Skandał ź sieryjałam «Akreścina» — stvaralniki adstojvajuć pravy na prajekt
Haradski sud horada Vilni razhladaje spravu ab aŭtarskich pravach na sieryjał «Akreścina». U spravie fihuruje kiniematahrafist (scenaryst i režysior sieryjała) Andrej Kurejčyk, a taksama «Małanka miedyja».
Pra heta Jeŭraradyjo raspavioŭ Andrej Kurejčyk, jaki padzialiŭsia materyjałami spravy i ličbavaj kopijaj piłotnaha epizodu «Akreścina», jaki ŭžo źniaty i zmantavany.Pra raźbiralnictva kiniematahrafist daviedaŭsia na pačatku minułaha hoda.
«Ja b nie viedaŭ pra hety sud <…>. Na heta i byŭ raźlik. Što ja nie ŭ kursie, ja ŭ Amierycy. A raźbiralnictva ŭ Litvie na litoŭskaj movie, što ja pra heta nie daviedajusia i ciškom buduć pryniatyja nieabchodnyja rašeńni. A akazałasia, što ja zaŭvažyŭ heta», — kaža Kurejčyk.
Samo raźbiralnictva jašče praciahvajecca i pavinna skončycca, pa słovach režysiora, hetym letam.
Stvaralnik «Małanka miedyja» miedyjamieniedžar, pradziusar «Akreścina» Pavieł Marynič skazaŭ Jeŭraradyjo, što nie budzie kamientavać situacyju, «pakul idzie sud».
Sieryjał «Akreścina», pryśviečany źniavolenym Minskaha IČU, pačali zdymać u Litvie zimoj 2022 hoda. U prajekcie byli zadziejničany ŭkrainskija i biełaruskija akciory ŭ emihracyi, muzykanty, aktyvisty: Pavieł Haradnicki, Marharyta Laŭčuk, Andrej Tkačoŭ i inš. Zdymačnaj kamandaj byŭ źniaty tolki piłotny epizod z zapłanavanych 8 sieryj.
Sieryjał adrazu apynuŭsia ŭ centry ŭvahi, kali hledačoŭ aburyŭ pakazany momant zdymak scen rasstrełu ludziej u IČU. Kurejčyk paźniej patłumačyŭ, što heta byŭ son adnaho z hierojaŭ.
«Akreścina» dahetul nie vyjšaŭ na ekrany, jahony los zastajecca nieviadomym.
Ciapier čytajuć
«Ab biełaruskich aŭtaraŭ vycierli nohi». Kurejčyk i Marynič sudziacca za sieryjał «Akreścina»9
«Ab biełaruskich aŭtaraŭ vycierli nohi». Kurejčyk i Marynič sudziacca za sieryjał «Akreścina»
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary