Słužba źniešniaj raźviedki Rasii vydała paviedamleńnie, raspaŭsiudžanaje rasijskimi infarmacyjnymi ahienctvami, što ŭ Bruseli, maŭlaŭ, pačynajuć pryznavać toje, što jany pamylilisia z pryznačeńniem Kai Kałas na pasadu Vysokaha pradstaŭnika ES pa zamiežnych spravach i palitycy biaśpieki.
«U kułuarach Jeŭrakamisii z razdražnieńniem fiksujuć absalutnuju niekampietentnaść Kałas… Vidavočna, što jana nie ŭ stanie ŭličvać niuansy pazicyj krain i moža budavać tolki sproščanyja schiemy, jakija čaściakom pazbaŭlenyja ŭsiakaha sensu», — havorycca ŭ paviedamleńni rasijskaj raźviedki.
Ahulnaja vysnova robicca takaja, što «ŭkaranionaja ŭ «adzinaj Jeŭropie» praktyka kiravacca ŭ pytańniach vysokich pryznačeńniaŭ pałavoj i nacyjanalnaj prynaležnaściu ŭsio dalej advodzić ES ad realnaj palityki».
Kaja Kałas zajmaje pasadu Vysokaha pradstaŭnika ES pa zamiežnych spravach i palitycy biaśpieki z 1 śniežnia 2024 hoda. Dahetul jana z 2021 pa 2024 hady była premjer-ministarkaj Estonii. Jak i bolšaść vysokapastaŭlenych palitykaŭ z krain Bałtyi, Kałas nie maje iluzij adnosna rasijskaj palityki i na svajoj ciapierašniaj pasadzie, jak i na raniejšaj, vystupaje za mocnuju padtrymku Jeŭropaj Ukrainy i niepaturańnie Rasii.
Ź ciapierašniaha paviedamleńnia rasijskaj Słužby źniešniaj raźviedki najpierš možna mierkavać, što Kaja Kałas na pasadzie kiraŭnicy jeŭrapiejskaj dypłamatyi nie zadavalniaje pieradusim rasijskija ŭłady.
Ciapier čytajuć
«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam13
Kamientary