Łukašenka znoŭ zajaviŭ pra patrebu zaprašeńnia pracoŭnych mihrantaŭ
Dla vyrašeńnia prablemy z deficytam pracoŭnych resursaŭ u Biełaruś nieabchodna pryciahvać mihrantaŭ ź inšych krain, a zajmacca hetymi pytańniami pavinny pierš za ŭsio kiraŭniki pradpryjemstvaŭ i miascovaj viertykali, zajaviŭ Alaksandr Łukašenka 22 maja, prymajučy kadravyja rašeńni, piša BiełTA.
U razmovie z novymi kiraŭnikami miascovaj viertykali jon zakranuŭ prablemu niedachopu pracoŭnych resursaŭ. «Jak i va ŭsim śviecie, akramia, moža być, niekatorych krain Azii i Afryki, u nas deficyt pracoŭnych resursaŭ. Słava bohu, jašče nie katastrafičny. Ale my nie pavinny davodzić da katastrofy, — skazaŭ jon,
— Tamu pryniata rašeńnie ab pryciahnieńni pracoŭnych resursaŭ, pierš za ŭsio z byłych respublik Savieckaha Sajuza». Pry hetym, jak padkreśliŭ Alaksandr Łukašenka, pradstaŭniki krainy nie vyjazdžajuć za miažu, kab kaho-niebudź ahitavać ci nastojliva zaprašać na pracu ŭ Biełaruś. Jość ludzi, jakija sami chočuć siudy pryjechać.
Adkaznaść najmalnikaŭ za zamiežnych rabotnikaŭ uviedziena ŭ Biełarusi ŭkazam Łukašenki. Pa hetaj tematycy im niadaŭna padpisany ŭkaz, jaki datyčycca adkaznaści najmalnikaŭ za zamiežnych rabotnikaŭ.
Łukašenka źviarnuŭ uvahu, što ŭ pieršuju čarhu kiraŭniki pradpryjemstvaŭ na miescach i kiraŭniki rajonaŭ pavinny być zacikaŭleny ŭ pryciahnieńni kadraŭ. Mienavita jany i pavinny zajmacca ich padboram.
«Kali na niejkim pramysłovym pradpryjemstvie, papiarovaj fabrycy ci jašče niedzie patrebny ludzi, niachaj kiraŭnik najmaje hetych ludziej, jakija pryjazdžajuć u Biełaruś z roznych krain. My nikoha nie abmiažoŭvajem. Najmajcie, zaklučajcie ź imi damovu, pracujcie», — aryjentavaŭ Łukašenka.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3737
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4646
Kamientary
Stolki sposabaŭ u čynoŭnikaŭ (i Łukašenki, jon taksama čynoŭnik) źniać ź siabie adkaznaść, zahadzia pieravieści strełki. Kali atrymałasia, tak "heta ja prykazaŭ", kali nie - "iany sami znachodzili".
Jedinstviennaja nahrada,kotoruju on zasłužił—eto razrušienije Biełarusi. Vot priamo naivysšiej proby.
I takim on navsiehda i ostanietsia v Istorii—nikakije «pabiaditili» jeje užie nie pieriepišut.
Ťfu,miarzota…