Rasijskija IT-asacyjacyi prosiać Pucina abaranić «Lestu» ad nacyjanalizacyi
Najbujniejšyja rasijskija IT-asacyjacyi vystupili suprać prymusovaj nacyjanalizacyi vydaŭca hulniaŭ «Śviet tankaŭ» i «Śviet karabloŭ». Jany nakiravali zvarot da prezidenta Rasii Uładzimira Pucina, piša «Kommiersant'». U dakumiencie pradstaŭniki rynku prosiać pravieryć abhruntavanaść abvinavačvańniaŭ u ekstremiźmie, vystaŭlenych uładalniku kampanii «Lesta Hulni».
U krasaviku rasijski sud nakłaŭ aryšt na try asnoŭnyja jurydyčnyja asoby kampanii «Lesta Hulni», jakaja paśla sychodu z rasijskaha rynku Wargaming kiruje hulniavymi prajektami «Śviet tankaŭ» i «Śviet karabloŭ». U 2023 hodzie Wargaming praviała akcyju ŭ padtrymku Ukrainy, paśla čaho kiraŭnika «Lesty» Malika Chatažajeva abvinavacili ŭ ekstremiźmie.
Zvarot da Pucina padpisali čatyry bujniejšyja IT-asacyjacyi Rasii, što abjadnoŭvajuć bolš za 700 kampanij: APKIT, «Ajčynny soft», «Russoft» i Asacyjacyja hulniavoj industryi. Jany miarkujuć, što nacyjanalizacyja «Lesty» padarvie davier da instytuta pryvatnaj ułasnaści i pryviadzie da adtoku biźniesu i śpiecyjalistaŭ za miažu.
Kančatkovaje rašeńnie pa spravie «Lesty» mohuć pryniać užo 27 traŭnia. Pa patrabavańni Hienprakuratury razhlad płanujuć pravieści ŭ zakrytym režymie, ale «Lesta» i profilnyja abjadnańni prosiać zrabić praces publičnym.
Pavodle danych «Kommiersanta», u vypadku parazy kampaniju mohuć časova pieradać Rasmajomaści, a zatym — inviestycyjnamu fondu Gem Capital, jaki, darečy, raniej prapanoŭvaŭ Maliku Chatažajevu vykupić biznes.
U Biełarusi ŭ studyi jość centr raspracoŭki — kampanija «Hiejm Strym», zarehistravanaja ŭ Parku vysokich technałohij. Na sajcie parku paznačana, što ŭ kampanii pracuje bolš za 800 supracoŭnikaŭ i što jana zajmajecca raspracoŭkaj «Śviet tankaŭ», «Śviet karabloŭ» i inšych prajektaŭ «Lesty».
Ciapier čytajuć
Stała viadoma, dzie pracuje favarytka Łukašenki Uładlena Zajcava16
Kamientary