Zdaroŭje1515

Jakija simptomy pakazvajuć na rak kišačnika i što pravakuje jaho raźvićcio? Tłumačyć ankołah

U Minsku ŭ 2024 hodzie rak kišečnika (kałarektalny) upieršyniu vyjšaŭ na druhoje miesca siarod ankałahičnych zachvorvańniaŭ u mužčyn i žančyn. U Biełarusi i ŭ śviecie — anałahičnaja situacyja. Pra heta «Minsk-Navinam» raspaviała namieśnica hałoŭnaha ŭrača pa miedycynskaj ekśpiertyzie i reabilitacyi Minskaha haradskoha kliničnaha ankałahičnaha centra Iryna Majsievič.

— Iryna Hienadzieŭna, čamu kałarektalny rak — rak abadočnaj i pramoj kiški — apynuŭsia ŭ lidarach: z-za charčavańnia ci z-za palapšeńnia dyjahnostyki?

— U bolšaj stupieni — z-za charčavańnia. Inšy istotny faktar ryzyki — małaruchomy ład žyćcia. Adnačasova palepšyłasia dyjahnostyka. Našy ludzi stali bolš daśviedčanymi ŭ prafiłaktycy ankałahičnych zachvorvańniaŭ, čaściej źviartajucca da doktara. Skryninh kałarektalnaha raku taksama adyhraŭ svaju rolu.

— Što nie tak z našym racyjonam?

— Najpierš treba vyklučyć kancerahiennyja rečyvy — heta tyja, što spryjajuć uźniknieńniu raku.

Jany mohuć utrymlivacca ŭ praduktach charčavańnia ŭ naturalnym vyhladzie ci ŭtvaracca padčas pryhatavańnia. Treba viedać, dzie jany znachodziacca, i jak skaracić ich kolkaść. Mienš smažanaha, mienš pryhatavanaha na adkrytym ahni. Abmiažujcie ŭžyvańnie vendžaniny (ryby, miasa, kurycy, kaŭbas, syru). Kali źjaście kavałačak raz na miesiac — ničoha strašnaha. Ale nielha rabić heta štodzionnaj zvyčkaj.

Pamiatajcie: kancerahieny jość u kaŭbasnych vyrabach, viandlinie, inšych praduktach, dzie vykarystoŭvajucca nitryty.

Fastfud raju całkam vyklučyć. Kali składana — choć by maksimalna abmiažujcie. Fry, pončyki i inšaje — utrymlivajuć transtłuščy, jakija taksama źviazvajucca z ankałahičnymi ryzykami.

Raz na miesiac — heta miaža dla fastfudu.

— Šaurma ličycca fastfudam?

— Nie.

— Užo viesialej. A što musić być u racyjonie kožny dzień?

— Aharodnina, sadavina (u lubym vyhladzie), zielanina, ryba. Miasajedam — indyčka, kuryca, mienš čyrvonaha miasa, asabliva śvininy. Śvinina smačnaja, zrazumieła, ale treba vybirać pamiž smačnym i karysnym. Najlepšyja sposaby pryhatavańnia — zapiakańnie, tušeńnie, varka. Samaja karysnaja — ježa na pary.

«Hałoŭnaje — nie zaciahvać!»

— Ci lečycca rak kišečnika?

— Tak, kali vyjaŭlajuć svoječasova. Pry nastupnych simptomach źviartajciesia da doktara: kroŭ u kale, pieryjadyčnyja zapory, boli… U takim vypadku treba rabić kałanaskapiju. Nie zaciahvajcie!

— Ci ŭpłyvajuć leki na raźvićcio raku?

— Nie.

Važna viedać

Kałanaskapija — endaskapičny mietad daśledavańnia, jaki dazvalaje ahledzieć ślizistuju abałonku toŭstaj kiški.

Doktar vykarystoŭvaje kałanaskop — hnutki zond z kamieraj na kancy, jakaja pieradaje malunak na manitor. Heta daśledavańnie — nadziejny sposab pastavić dakładny dyjahnaz i vybrać mietad lačeńnia.

Padčas pracedury možna vydalić palipy da 5 mm praź instrumientalny kanał. Taksama mahčyma ŭziać bijapsiju z utvareńniaŭ, kab vyklučyć rak. Biez hetaha niemahčyma vyznačyć, ci złajakasnaje ŭtvareńnie.

U Minsku kałanaskapiju robiać ź siedacyjaj i bieź jaje.

Siedacyja — unutryviennaje ŭviadzieńnie preparataŭ, jakija vyklikajuć stan lohkaha snu. Siedacyju nie robiać pry epilepsii, indyvidualnaj niepieranosnaści kampanientaŭ, ciažkich sardečna-sasudzistych chvarobach i inšych supraćpakazańniach.

Kamientary15

  • Šurma
    27.05.2025
    Moža jašče stašniejšy za burhiery fastfud, s čaho i jak jano robicca nichto dakładna nia viedaje. Doktar jakujuś łuchtu skazaŭ, vybačcie.
  • daviedka
    27.05.2025
    Kołoriektalnyj rak iz-za buchła v každom mahazinie i surrohatnych produktov, količiestvo kotorych v poślednije hody uvieličivajetsia bukvalno s každym dniom.
    Ot sostava prodajuŝichsia v našich mahazinach pielmieniej bieź miasa, blinčikov i čieburiekov, farša kurinoho «naturalnoho ochłaždionnoho» iz zamorožiennoho syŕja s baktiericidom, pozvolajuŝim niedielu nie portiłsia pri plusovoj °C...
  • Nk
    27.05.2025
    Nazva artykułu pačynajecca z pytańnia - Jakija simptomy?
    Čytajem artykuł - adkazu niama. :)

Ciapier čytajuć

Ci atrymajecca va ŭładaŭ viarnuć dziaciej mihrantaŭ u biełaruskija škoły? Naŭrad ci, ale jany sprabujuć — prymusova13

Ci atrymajecca va ŭładaŭ viarnuć dziaciej mihrantaŭ u biełaruskija škoły? Naŭrad ci, ale jany sprabujuć — prymusova

Usie naviny →
Usie naviny

Na vajnie va Ukrainie źnik jašče adzin biełarus, jaki vajavaŭ na baku Rasii2

U Rasii apublikavali aryjenciroŭku na ŭładalnika fur, jakoha padazrajuć u dačynieńni da ataki na vajskovyja aeradromy2

«Smurod taki, što niemahčyma dychać». Dom u «Minsk-Śviecie» try dni zalivała kanalizacyjaj3

«My kidali kamiani, kab jany nie ŭźlatali». Adnym z tych, chto sprabavaŭ spynić drony, što vylatali z fur, byŭ biełarus Anton64

Budzie da +31°S2

Mužčyna zasumniavaŭsia ŭ baćkoŭstvie čaćviarych dziaciej. I nie darma16

Lvoŭski: Da kanca stahodździa ŭ Biełarusi zastaniecca try miljony čałaviek, kali trendy nie źmieniacca25

«Ciažka». Jak vypuskniki-ajcišniki (nie) znachodziać pracu ŭ 2023—20253

Konkurs «Mis Suśviet» vyjhrała pradstaŭnica Tajłanda

bolš čytanych navin
bolš łajkanych navin

Ci atrymajecca va ŭładaŭ viarnuć dziaciej mihrantaŭ u biełaruskija škoły? Naŭrad ci, ale jany sprabujuć — prymusova13

Ci atrymajecca va ŭładaŭ viarnuć dziaciej mihrantaŭ u biełaruskija škoły? Naŭrad ci, ale jany sprabujuć — prymusova

Hałoŭnaje
Usie naviny →

Zaŭvaha:

 

 

 

 

Zakryć Paviedamić