Śpiecpradstaŭnik Trampa adkazaŭ Miadźviedzievu: Zajava nie adpaviadaje statusu suśvietnaj dziaržavy
Kit Kiełah adkazaŭ na vypad eks-prezidenta Rasii, jaki pryhraziŭ Treciaj suśvietnaj.
«Raźviadzieńnie strachaŭ pierad Treciaj suśvietnaj vajnoj — heta biezadkaznaja i niedapuščalnaja zajava z boku Dźmitryja Miadźviedzieva, jakaja nie adpaviadaje statusu suśvietnaj dziaržavy. Prezident Tramp prykładaje namahańni dla spynieńnia hetaha kanfliktu i ratavańnia žyćciaŭ. My pa-raniejšamu čakajem atrymańnia rasijskaha miemaranduma (darožnaj karty), jaki vy abiacali pieradać tydzień tamu. Spynicie ahoń nieadkładna», — napisaŭ Kit Kiełah.
Nahadajem, što ŭčora Donald Tramp apublikavaŭ rezkuju zajavu.
«Toje, čaho Pucin nie razumieje, — heta toje, što kali b nie ja, z Rasijaj užo šmat realna kiepskaha b zdaryłasia, pryčym REALNA KIEPSKAHA. Jon hulaje z ahniom!», — napisaŭ Donald Tramp karotki post u svajoj sacsietcy Truth Social.
Dźmitryj Miadźviedzieŭ u adkaz pryhraziŭ Treciaj suśvietnaj.
«Što tyčycca słoŭ Trampa pra toje, što Pucin «hulaje z ahniom» i z Rasijaj adbyvajucca «sapraŭdy drennyja rečy». Ja viedaju tolki adnu sapraŭdy drennuju reč — Treciuju suśvietnuju vajnu. Ja spadziajusia, Tramp heta razumieje!», — napisaŭ Miadźviedzieŭ.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie6
Kamientary