Brescki hubiernatar prapanuje, kab handlovyja sietki rabili pieradapłatu za jašče nie vyraščanuju harodninu
Staršynia Bresckaha abłvykankama Piatro Parchomčyk raskazaŭ u efiry kanała «Pieršy infarmacyjny», što ŭ Bresckaj vobłaści ŭ paŭtara raza pavialičyli płoščy pasievaŭ bulby i amal u dva razy — aharodniny. Jon zapeŭniŭ, što z uradžajem prablem nie pradbačycca: i bulba, i harodnina buduć. A zaadno vystupiŭ ź niečakanaj prapanovaj.
Na dumku čynoŭnika, handlovyja sietki pavinny prajavić bolšuju adkaznaść i zahadzia ŭdzielničać u płanavańni ŭradžaju na 2025 hod.
«Vielmi važnaja zona adkaznaści našych sietak. Jany pavinny ŭdzielničać va ŭradžai 2025 hoda, pavinny zaklučać kantrakty z našymi haspadarkami dla taho, kab jašče raz na ich pryłaŭkach była bulba, kab na ich pryłaŭkach byli cybula, kapusta i ŭsie inšyja kultury.
Jany zaŭsiody čakajuć, što my vyraścim, jany potym zaklučać z nami damovy. Ja praciŭnik hetaha i chacieŭ by, kab heta było pa-inšamu. Ciapier, kali my pačynajem pasiaŭnuju našu kampaniju, treba kab ź imi zaklučalisia adpaviednyja damovy. A jak harantyi taho, što jany hety pradukt, jaki my vyraścim, vykupiać u nas, kab jany rabili niaznačnuju pieradapłatu. A heta budzie harantyjaj vykanańnia abaviazacielstvaŭ tych, chto vyroščvaje, i tych, chto spažyvaje», — skazaŭ Piatro Parchomčyk.
Łukašenka: Treba vyraścić stolki bulby, kab chapiła i nam, i Rasii. Treba dapamahčy bratam-rasijanam
Minsielhascharč daŭ prahnoz na novy ŭradžaj
Urad dazvoliŭ zavozić u Biełaruś deficytnuju aharodninu z «niedružalubnych krain». Robiačy dobruju minu pry kiepskaj hulni
Kolki bulby Biełaruś pradaje ŭ Rasiju
Ciapier čytajuć
«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?9
Kamientary