Ninu Bahinskuju vyzvalili biez pakarańnia, kryminalnuju spravu zakryli
U Minsku prajšoŭ sud nad aktyvistkaj Ninaj Bahinskaj. Na sudovaje pasiedžańnie nad 78-hadovaj žančynaj nikoha nie puścili, u tym liku pradstaŭnikoŭ dypłamatyčnych misij. Takoje rašeńnie pryniaŭ sudździa Maksim Trusievič, jaki vynosiŭ palityčna matyvavanyja prysudy dziasiatkam aktyvistam, piša «Biełsat».
Nina Bahinskaja pryniesła z saboj na pasiedžańnie dysk z zapisam pramovy Alaksandra Łukašenki. 20 kastryčnika 2020 hoda jon skazaŭ pra aktyvistku:
«Vy hladzicie tolki Ninu Bahinskuju nie zabirajcie z płoščaŭ. Kali Ninu Bahinskuju prybrać, to apazicyi nie budzie. Niama kamu chadzić budzie. Ja pamiataju Ninu Bahinskuju, žartam kažu, jana jašče chadziła ŭ słužbie biaśpieki Paźniaka pracavała. Nu, małajčyna. Jana pierakanany čałaviek. Jana pierakanany. Tak, jaje pohlady kardynalna razychodziacca z našymi. Ale heta pierakanany čałaviek i jaje ni ŭ jakim razie nielha zabirać z vulicy, bo dekaracyi źniknuć».
U Niny Bahinskaj vialikija prablemy sa zdaroŭjem — jana maje šerah ciažkich chraničnych zachvorvańniaŭ. Usie dakumienty, jakija paćviardžajuć dyjahnazy, znachodziacca na rukach.
Ninu Bahinskuju abvinavačvali pa artykule 342-2 (nieadnarazovaje parušeńnie zakona ab praviadzieńni masavych mierapryjemstvaŭ). U asnovie abvinavačańnia — administracyjnyja pratakoły i sudovyja pastanovy za 2024 hod. Usie jany datyčacca vykarystańnia nacyjanalnaj simvoliki i adzin pratakoł byŭ składzieny za majku z nadpisam: «Nie vajnie!».
«Biełsat» daviedaŭsia, što aktyvistku vyzvalili biez pakarańnia, a kryminalnuju spravu spynili.
Kamientary
Ale, vielmi dobra, što niezakonnaja ŭłada pabajałasia asudzić biełaruskuju hierainiu. Choć tak. Dziakuj usim chto pisaŭ pra hety "sud". Dziakuj dypłamatam, jakija pryjšli da budynku suda. Ale, u pieršuju čarhu - dziakuj spadarynia Nina, što Vy mocnaja asoba, jakaja lubić Biełaruś.