«Ruski Piorł-Charbar». Z-kanały ŭ šoku ad ukrainskaj ataki na rasijskija aeradromy
Kanał «Na Zzzzzapadnom frontie bieź pieriemien» sabraŭ poŭnyja abureńnia i razhublenaści kamientaryi Z-kanałaŭ na biesprecedentnuju ataku, arhanizavanuju SBU, na rasijskija aeradromy.
Ukrainskija drony adnačasova atakavali miescy baziravańnia stratehičnaj avijacyi — vajskovy aeradrom «Aleńja» ŭ Murmanskaj vobłaści i avijabazu ŭ Irkuckaj vobłaści dy inšyja abjekty. Šmatlikija stratehičnyja bambardziroŭščyki źniščanyja. Voś što pišuć rasijskija kanały pra heta.
«Stratehičnyja rakietanoscy atakujuć FPV-drony, zapuščanyja prosta ź miesca padziej. Jak heta kamientavać — biez paniaćcia», — «Vojennyj ośviedomitiel».
«U nas niama prystojnych słoŭ, kab apisać toje, što adbyvajecca», — «Poviernutyje na vojnie».
«Heta ruski «Piorł-Charbar». Spadziajomsia, što adkaz budzie takim ža, jak u ZŠA na napad na Pierł-Charbar — abo navat bolš žorstkim» — Raman Alochin.
«P…c, soram…», — «Okopnaja hriaź».
«Ja prosta ŭ ach*i», — «Miesť dobroj voli».
«B… chto za heta budzie adkazvać. U mianie ślozy na vačach. Siońnia pavinny być masavyja ŭdary pa ŭsich bujnych haradach Ukrainy!!!!!!!» — «Pozdniakoŭ 3.0».
«Saromiejusia spytać, a «mudry palityk» uvohule razumieje, što prosta ciapier Rasija hublaje stratehičny parytet z ZŠA ŭ jadziernych uzbrajeńniach i harać unikalnyja samaloty, jakich užo nie vypuskajuć?» — Alex Parker Returns.
«Drony z haŭna i pałak źniščajuć elemient jadziernaj tryjady», — ZERGULIO.
«Heta poŭny treš, bolšaść kiraŭnikoŭ ministerstvaŭ i viedamstvaŭ pavinny pajści ŭ adstaŭku. Pa kadrach vidać: i ŭ Murmansku, i ŭ Irkucku lotajuć zvyčajnyja FPV-drony, zapuščanyja pobač… Va ŭsiakim razie, stratehičnaj avijacyi naniesienaja kałasalnaja škoda», — «Pora Domoj».
«Skažu adno: vidać, chto-niebudź i dahetul ličyŭ, što adlehłaść u sučasnaj vajnie — dastatkovy faktar biaśpieki. Kali tak ličyš i zabivaješ ch… na razzasiarodžvańnie, na achovu i abaronu — atrymlivaješ toje, što atrymlivaješ.
Pasypać hałavu popiełam niama sensu, jość sens pierahledzieć padychod da pracy i ŭvohule asensavańnie taho, jak treba vajavać. Čorny dzień avijacyi, i niama sensu zahavorvać heta niepatrebnymi navinami, jak i niama sensu viskatać, vinavaciačy niezrazumieła kaho. Treba pracavać», — «Staršie Eddy».
«A ciapier pa faktach i padziejach minułaj nočy i siońniašniaha dnia. Vorah, nie majučy dalnabojnaj zbroi dla paražeńnia stratehičnych vajennych abjektaŭ na terytoryi Rasii, pačaŭ kreatyvić.
Siońnia my bačym kompleksnuju śpiecapieracyju ŭkrainskich śpiecsłužbaŭ pad kuratarstvam śpiecsłužbaŭ NATA — najpierš Vialikabrytanii i ZŠA — pa naniasieńni škody stratehičnym abjektam vajennaj infrastruktury Rasii.
U vyniku dobra spłanavanych dziejańniaŭ vorah daciahnuŭsia ŭžo da Murmansku i Irkucka — čaho nie było navat padčas Vialikaj Ajčynnaj vajny. Heta śviedčyć pra namiery i mahčymaści praciahvać vajnu. I samaje hałoŭnaje — pra zdolnaść prymianiać niestandartnyja rašeńni ŭ viadzieńni vajny.
Hruzavik, nabity dronami, treba było abstalavać, dastavić u rajon vykanańnia misii i pravieści technična składanyja manipulacyi pa zapusku i dystancyjnym kiravańni. Tak, vy nie pamylilisia: apieratary kiravali imi z terytoryi Ukrainy. Heta ciapier technična mahčyma. Toje, što niadaŭna pakazvali našy chvalki, kirujučy dronam z Maskva-Sici na Danbasie — vorah uziaŭ na ŭzbrajeńnie i ažyćciaviŭ na praktycy.
Vysnovy? Ich nie budzie. Usio skazana try hady tamu.
Pakul nie pačniem vajavać pa-darosłamu i spadziavacca nie na «jak-niebudź rassmokčacca», ničoha nie budzie», — «Zapiski Vietierana».
Apytanka
Ciapier čytajuć
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary
Typovaje maskavickaje kryvadušša: robiać paskudztva, atrymlivajuć raŭnaznačnuju «adkazačku», paśla čaho kryčać «A nas za što?!». Tfu...
Karcstajučysia momantam, pieradaju vitanki łukabotam)