U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki
37-hadovy Andrej «Husar» Buržynski pryciahnuŭ uvahu lichim stylem kiravańnia BMW u centry Varšavy i admoviŭsia spyniacca na patrabavańnie palicyi. U pahoniu kinulisia ŭsie ekipažy pobač, kiroŭca ŭrezaŭsia ŭ bietonnuju łavu, kinuŭ mašynu i pabieh, ale niedaloka. U mašynie znajšli narkotyki, sam «Husar» byŭ pad kakainam i marychuanaj, a doma jašče kala 3 kiłahramaŭ narkotykaŭ. Aryštavali i jaho 27-hadovuju partniorku. Admietna, što ŭ Biełarusi «Husar» adsiadzieŭ za raspaŭsiud narkotykaŭ siem hadoŭ.
«Biez padrabiaznaściaŭ, ale heta jon», — skazała «Našaj Nivie» infarmavanaja krynica pra datyčnaść 37-hadovaha biełarusa Andreja Buržynskaha da hučnaj pahoni ŭ centry Varšavy, jakaja adbyłasia ŭ siaredzinie maja.
Padrabiaznuju spravazdaču daje sajt palicyi. Pryvodzim jaje ŭ skarocie:
«Niekalki dzion tamu palicejskija zaŭvažyli na Płoščy Troch Kryžoŭ kiroŭcu BMW, jaki jechaŭ vielmi ahresiŭna. Supracoŭniki adrazu padali sihnał dla spynieńnia z vykarystańniem hukavych i śvietłavych sihnałaŭ. Adnak kiroŭca pačaŭ ryzykoŭna ŭciakać pa centry Varšavy. U pahoniu ŭklučylisia ŭsie palicejskija, što byli pablizu.
Na vulicy Brackaj kiroŭca ŭrezaŭsia ŭ bietonnyja łaŭki, kinuŭ mašynu i praciahnuŭ ucioki pieššu. Praź niekalki dziasiatkaŭ mietraŭ jaho zatrymała palicyja.
U aŭtamabili była znojdziena značnaja kolkaść narkotykaŭ — vierahodna, mienavita tamu jon nie spyniŭsia. Jak vyśvietliłasia, heta 37-hadovy hramadzianin Biełarusi.
Jaho dastavili ŭ kamisaryjat na vulicy Vilčaj. Tam pravieryli na narkatyčnyja rečyvy — test pakazaŭ najaŭnaść amfietaminu i kakainu.
Supracoŭniki vyśvietlili, što padazravany žyvie z 27-hadovaj žančynaj z Ukrainy. Pajechaŭšy da ich, palicyjanty zaŭvažyli žančynu, jakaja siadała ŭ «Miersiedes». Pry praviercy ŭ jaje sumačcy byli znojdzieny kakain i marychuana.
Padazravanaja admoviłasia adkryć kvateru dobraachvotna, tamu palicyja vyklikała pažarnuju słužbu, jakaja dapamahła ŭvajści. U vientylacyjnym kanale byli znojdzieny pakiety z narkotykami.
U vyniku apieracyi było kanfiskavana kala 3 kh roznych narkotykaŭ: kakain, amfietamin, mietamfietamin, miefiedron, halucynahiennyja hryby, marychuana i tabletki MDMA. Taksama byli znojdzieny hazavy pistalet, hrošy, telefony i juvielirnyja vahi.
37-hadovy mužčyna atrymaŭ abvinavačańnie za ŭchileńnie ad darožnaj pravierki i zachoŭvańnie vialikaj kolkaści narkotykaŭ. Jaho 27-hadovaja partniorka taksama atrymała abvinavačańnie. Sud zadavoliŭ chadajnictva prakuratury i prymianiŭ da pary časovy aryšt na try miesiacy. Im pahražaje da 10 hadoŭ źniavoleńnia».
Fota zatrymanych pryvodziacca sa śpiny. U palicejskim fota znajomyja paznali Andreja «Husara» Buržynskaha.
Raniej ŚMI pradstaŭlali Andreja «Husara» Buržynskaha kiraŭnikom vajennaha i hramadzianskaha štabu «Paspalitaha rušeńnia» — arhanizacyi biełarusaŭ u Polščy, jakaja staviła metaj padrychtoŭku da vyzvaleńnia Biełarusi, kali patrebna — siłavym šlacham.
«Buržynski byŭ instruktaram u bazie ŭ Žešuvie, dzie zajmalisia ludzi Sachaščyka i «Bajpoła». Jon ich faktyčna ŭsich treniravaŭ i ŭsich viedaŭ, tamu jaho i pryznačyli jak samaha daśviedčanaha, kali stvarałasia «Paspalitaje rušeńnie» i charuhvy.
Ciapier žyvie ŭ Polščy pa mižnarodnaj abaronie, va Ukrainie nie vajavaŭ, ale zajmaŭsia vałanciorstvam. Vałodaje niekalkimi zamiežnymi movami i płanavaŭ syści ŭ biznes, źjechać žyć u Ispaniju. «Paspalitym rušeńniem» zajmaŭsia dzieści da 2023 hoda, paśla čaho ci to addaŭ, ci to pradaŭ šefstva ŭ arhanizacyi Siarhieju Čysłavu-Bulbie», — skazaŭ «Našaj Nivie» znajomy ź im čałaviek.
U Biełarusi Buržynski ŭžo byŭ sudzimy pa narkatyčnym 328-m artykule, jon adsiedzieŭ siem hadoŭ.
«Naša Niva» — bastyjon biełaruščyny
PADTRYMAĆ
Učora Minsk znoŭ zatapiła. Čamu stalica nie hatovaja da daždžoŭ?4
Kamientary
Bo va ŭsich byvaje. I siarod hramadzianaŭ mohuć roznyja ludzi traplacca.
A voś žadajučych słužyć, matyvavanych biełarusaŭ paśla pravierak Jeŭropie niama čaho hublać.