«Biełaruś, što ź internetam? Pracuje praz raz!»: karystalniki A1 skardziacca na prablemy, kampanija prablemu pryznaje
Datelefanavacca ŭ słužbu techničnaj padtrymki A1 niemahčyma, zapyty ŭ sacyjalnych sietkach kampanija ihnaruje, a virtualny pamočnik pryznajecca: «Na hety momant isnujuć techničnyja ciažkaści ŭ pracy interneta i telebačańnia».
U sacyjalnych sietkach biełarusy z roznych haradoŭ krainy skardziacca na toje, što i mabilny, i chatni internet ad A1 ledź-ledź pracuje. Pra techničnyja prablemy ludzi paviedamlajuć apošnija dni, ale hetaj nočču jany stali najbolš mocnymi.
Karystalniki skardziacca, što nijakija sajty nie hruziacca, a sacsietki padhružajucca vielmi pavolna. Praz heta niechta navat trapiŭ u vielmi niepryjemnuju situacyju.
Adna dziaŭčyna raspaviała ŭ treds, što kala troch hadzin nočy joj treba było vyklikać taksi ŭ aeraport: «I mienavita ŭ tuju chvilinu, jak treba vyklikać taksi — źnik internet: i vajfaj, i mabilny A1. Ja ŭ panicy z čamadanami spuskajusia na vulicu. Noč, nikoha niama, taksi nie vyklikajecca, sto chałodnych patoŭ, što spaźniajusia na ŭsie samaloty. Praz chvilin 15 baču ŭdalečyni postać chłopca. Kryču, kab spyniŭsia. Jon musić i sam spałochaŭsia, bo noč. Fuch, vyklikaŭ mnie taksi». Prablema była jašče i ŭ tym, što dziaŭčyna nie mieła z saboj biełaruskich hrošaj — tolki dalary, bo płanavała vyklikać taksi praz dadatak, a płacić aŭtamatyčna kartkaj.
Aficyjnaj infarmacyi ad kampanii A1 z hetaj nahody pakul nie było. Pad apošnim zabaŭlalnym videa ŭ aficyjnym instahramie A1 kala sotni kamientaryjaŭ ad aburanych karystalnikaŭ. Ludzi niezadavoleny tym, što nie atrymali navat nijakich paviedamleńniaŭ ad pravajdaru suviazi. Kamientaryi pakul praihnaravanyja, na pryvatnyja paviedamleńni pradstaŭniki kampanii nijak taksama nie adkazvajuć.
Datelefanavacca ŭ słužbu techničnaj padtrymki ŭ ludziej nie atrymlivajecca. Virtualny pamočnik na sajcie adziny, chto pryznaje najaŭnaść prablemy: «Na hety momant isnujuć techničnyja ciažkaści ŭ pracy internieta i telebačańnia. Našy śpiecyjalisty ŭžo zajmajucca vyrašeńniem pytańnia».
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary