Ukrainskija drony znoŭ atakavali chimičny zavod «Azot» u Tulskaj vobłaści
U noč z 7 na 8 červienia chimičny kambinat «Azot» u rasijskim horadzie Novamaskoŭsk byŭ atakavany ŭkrainskimi dronami — užo druhi raz za apošnija dva tydni.
Pavodle hubiernatara Tulskaj vobłaści Dźmitryja Milajeva, dron upaŭ na terytoryi zavoda, vyklikaŭšy pažar, jaki ŭdałosia chutka likvidavać. Zabrudžańnia pavietra vyšej za dapuščalnyja normy nie zafiksavana. Raniej, 24 traŭnia, hety ž abjekt užo stanaviŭsia metaj ukrainskaj ataki: tady było paškodžana abstalavańnie i adbyłasia ŭciečka azotnaj kisłaty.
Zavod «Azot» źjaŭlajecca častkaj chołdynhu «Jeŭrachim» i pastaŭlaje azotnuju kisłatu na zavod imia Śviardłova ŭ Dziaržynsku Nižaharodskaj vobłaści. Mienavita tam z hetych kampanientaŭ vyrablajucca vybuchovyja rečyvy, takija jak aktahien i hieksahien, jakija šyroka vykarystoŭvajucca dla vytvorčaści artyleryjskich snaradaŭ. «Jeŭrachim» razam ź inšymi bujnymi chimičnymi kampanijami źjaŭlajecca klučavym pastaŭščykom kampanientaŭ dla rasijskaj vajennaj pramysłovaści.
Taksama rasijskaje Ministerstva abarony paviedamiła pra pierachop i źniščeńnie nočču 8 červienia 61 ukrainskaha bieśpiłotnika nad terytoryjami Branskaj, Biełharodskaj, Kałužskaj, Tulskaj, Arłoŭskaj, Kurskaj abłaściej, Maskoŭskaha rehijona i anieksavanaha Kryma.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary