U vyniku masiravanaj ataki rasijskich bieśpiłotnikaŭ na Kijeŭ zafiksavanyja paškodžańni ŭ niekalkich rajonach ukrainskaj stalicy — Dniaproŭskim, Šaŭčenkaŭskim, Padolskim, Darnickim i Abałonskim.
Pavodle źviestak mera Kijeva Vitala Kličko, u niekalkich miescach uźnikli pažary, u tym liku ŭ žyłych damach i niežyłych pamiaškańniach. U Darnickim rajonie miedyki akazali dapamohu na miescy adnamu paciarpiełamu.
Miedyki taksama špitalizavali adnaho paciarpiełaha ŭ Abałonskim rajonie stalicy. U Šaŭčenkaŭskim rajonie ŭźnik pažar u budynku biźnies-centra, u Sałamiejanskim rajonie — pažar u šmatpaviarchovym domie.
Pavodle danych uładaŭ, akramia dronaŭ, Kijeŭ atakujuć balistyčnymi rakietami.
Pavodle infarmacyi kiraŭnika Kijeŭskaj haradskoj vajennaj administracyi Cimura Tkačenki, u Šaŭčenkaŭskim rajonie haryć žyły dom. Paciarpieła žančyna, joj akazali dapamohu.
«Vorah atakuje mirnyja nasielenyja punkty. Paškodžanyja pryvatnyja damy, harać aŭtamabili. Bolš padrabiaznaja infarmacyja paźniej», — napisaŭ kiraŭnik abłasnoj administracyi Mikałaj Kałašnik.
Jak minimum adzin čałaviek zahinuŭ i čaćviora paciarpieli ŭ vyniku ataki rasijskich bieśpiłotnikaŭ na Adesu, paviedamlajuć miascovyja ŭłady.
«Razburanyja i paškodžanyja žyłyja damy ŭ centry Adesy. Zahinuŭ 59-hadovy mužčyna. Vykazvaju ščyryja spačuvańni rodnym i blizkim. Pavodle papiarednich dadzienych, čaćviora čałaviek paciarpieli. Miedyki akazvajuć im usiu nieabchodnuju dapamohu», — napisaŭ u telehramie kiraŭnik abłasnoj vajennaj administracyi Aleh Kipier.
Akramia taho, pavodle jahonych źviestak, całkam razburany administracyjny budynak stancyi ekstrannaj miedycynskaj dapamohi — na miescy ŭźnik pažar. Paciarpiełych siarod piersanału niama.
«Usie ŭpaŭnavažanyja słužby praciahvajuć pracavać nad likvidacyjaj nastupstvaŭ ataki. Pravaachoŭniki dakumientujuć čarhovaje dziorzkaje złačynstva rasijan suprać mirnaha nasielnictva Adeskaj vobłaści», — dadaŭ jon.
Mer Adesy Hienadź Truchanaŭ piša, što razbureńni ŭ vyniku atak značnyja, ich acenku ŭłady praviaduć ranicaj.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary