У выніку масіраванай атакі расійскіх беспілотнікаў на Кіеў зафіксаваныя пашкоджанні ў некалькіх раёнах украінскай сталіцы — Дняпроўскім, Шаўчэнкаўскім, Падольскім, Дарніцкім і Абалонскім.
Паводле звестак мэра Кіева Віталя Клічко, у некалькіх месцах узніклі пажары, у тым ліку ў жылых дамах і нежылых памяшканнях. У Дарніцкім раёне медыкі аказалі дапамогу на месцы аднаму пацярпеламу.
Медыкі таксама шпіталізавалі аднаго пацярпелага ў Абалонскім раёне сталіцы. У Шаўчэнкаўскім раёне ўзнік пажар у будынку бізнес-цэнтра, у Саламеянскім раёне — пажар у шматпавярховым доме.
Паводле даных уладаў, акрамя дронаў, Кіеў атакуюць балістычнымі ракетамі.
Паводле інфармацыі кіраўніка Кіеўскай гарадской ваеннай адміністрацыі Цімура Ткачэнкі, у Шаўчэнкаўскім раёне гарыць жылы дом. Пацярпела жанчына, ёй аказалі дапамогу.
«Вораг атакуе мірныя населеныя пункты. Пашкоджаныя прыватныя дамы, гараць аўтамабілі. Больш падрабязная інфармацыя пазней», — напісаў кіраўнік абласной адміністрацыі Мікалай Калашнік.
Як мінімум адзін чалавек загінуў і чацвёра пацярпелі ў выніку атакі расійскіх беспілотнікаў на Адэсу, паведамляюць мясцовыя ўлады.
«Разбураныя і пашкоджаныя жылыя дамы ў цэнтры Адэсы. Загінуў 59-гадовы мужчына. Выказваю шчырыя спачуванні родным і блізкім. Паводле папярэдніх дадзеных, чацвёра чалавек пацярпелі. Медыкі аказваюць ім усю неабходную дапамогу», — напісаў у тэлеграме кіраўнік абласной ваеннай адміністрацыі Алег Кіпер.
Акрамя таго, паводле ягоных звестак, цалкам разбураны адміністрацыйны будынак станцыі экстраннай медыцынскай дапамогі — на месцы ўзнік пажар. Пацярпелых сярод персаналу няма.
«Усе ўпаўнаважаныя службы працягваюць працаваць над ліквідацыяй наступстваў атакі. Праваахоўнікі дакументуюць чарговае дзёрзкае злачынства расіян супраць мірнага насельніцтва Адэскай вобласці», — дадаў ён.
Мэр Адэсы Генадзь Труханаў піша, што разбурэнні ў выніку атак значныя, іх ацэнку ўлады правядуць раніцай.
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка10
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары