U Estonii supracoŭnicu «Rasii siehodnia» asudzili na šeść hadoŭ za dziaržzdradu
Charjuski paviatovy sud u sieradu, 11 červienia, prysudziŭ žycharku Talina Śviatłanu Burcavu da šaści hadoŭ pazbaŭleńnia voli za dziaržaŭnuju zdradu i parušeńnie mižnarodnych sankcyj, piša ERR.
Sud ustanaviŭ, što Śviatłana Burcava na praciahu niekalkich hadoŭ supracoŭničała z rasijskim dziaržaŭnym ahienctvam RIA «Rasija siehodnia».
U miežach hetaha supracoŭnictva Burcava pisała artykuły i pradastaŭlała fota materyjały dla vydańniaŭ Baltnews i RIA, tym samym, jak padkreślivała abvinavačańnie, zabiaśpiečvała subjektu sankcyj dostup da ekanamičnych resursaŭ, što zabaroniena rehłamientam Rady ES ad 17 sakavika 2014 hoda.
Taksama, pavodle viersii śledstva, Burcava padtrymlivała kantakty z Ramanam Ramačovym — aficeram zapasu FSB i kiraŭnikom pryvatnaj raźviedvalnaj kampanii R-Techno, jakaja, pa śćviardžeńni prakuratury, zajmajecca infarmacyjna-psichałahičnymi apieracyjami ŭ intaresach RF. U miežach hetaha supracoŭnictva była napisana i vydadziena kniha «Hibrydnaja vajna za mir», jakuju sud pryznaŭ prapahandysckaj i nakiravanaj na padryŭ davieru da ŭłady Estonii i destabilizacyju hramadstva.
Pry vyniasieńni prysudu sud paličyŭ, što parušeńnie sankcyj doŭžyłasia niekalki hadoŭ i ździajśniałasia naŭmysna. Chacia kolkaść apublikavanych materyjałaŭ była adnosna nievialikaj, sam fakt supracoŭnictva sa ŚMI, źviazanymi z Kisialovym, byŭ rascenieny jak značny. Uličvajučy siaredniuju stupień viny i adsutnaść abciažarvajučych abo źmiakčalnych abstavinaŭ, sud pryznaŭ pakarańnie ŭ vyhladzie dvuch hadoŭ pazbaŭleńnia voli pa dadzienym artykule spraviadlivym.
Dziaržaŭnuju zdradu Burcava, na dumku suda, taksama ździejśniła naŭmysna, adnak upłyŭ jaje dziejańniaŭ byŭ abmiežavanym. Uličvajučy, što heta pieršaje pryciahnieńnie jaje da kryminalnaj adkaznaści i što dziejańnie abmiažoŭvajecca adnoj knihaj, sud paličyŭ spraviadlivym zaprošanaje prakuraturaj pakarańnie — šeść hadoŭ pazbaŭleńnia voli.
Prysud pakul nie ŭstupiŭ u zakonnuju siłu. Śviatłana Burcava maje prava padać apielacyju na praciahu 30 dzion u Talinski akruhovy sud.
Raniej Burcava pracavała žurnalistam internet-vydańnia Sputnik Eesti, jakoje spyniła svaju dziejnaść u Estonii ŭ 2019 hodzie z-za sankcyj. Z 2023 hoda jana źjaŭlajecca siabram partyi Koos, adzin ź lidaraŭ jakoj — Ajva Piatersan — znachodzicca pad sudom pa abvinavačańni ŭ dziaržaŭnaj zdradzie.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
viki : Sproba dziaržaŭnaha pieravarotu ŭ Estonii 1 śniežnia 1924 hoda była niaŭdałaj sprobaj, praviedzienaj Kaminternam, arhanizavanaj Kamunistyčnaj partyjaj Estonii i balšavikami, jakija pieravažna byli infiltravany z Maskoŭskaj impieryi . Z 279 aktyŭna ŭdzielničajučych prakamunistyčnych terarystaŭ 125 byli zabityja ŭ bai, paśla čaho bolš za 500 čałaviek byli aryštavanyja. Estonskija ŭradavyja siły stracili 26 čałaviek.