Padčas pajezdki ŭ Vaŭkavyski rajon 14 červienia Alaksandr Łukašenka pacikaviŭsia, ci jość u rehijonie prablemy z bulbaj. Kali, pavodle relacyj čynoŭnikaŭ, prablem prahnazavana nie akazałasia, jon vykazaŭsia, što nasamreč šmat bulby biełarusam i nie treba.
Jak dałažyli Łukašenku čynoŭniki, kantrolnyja orhany pravieryli situacyju i paviedamili, što ŭ Hrodzienskaj vobłaści niedachopu bulby niama. Usie abaviazki pa farmiravańni stabilizacyjnych fondaŭ letaś, maŭlaŭ, byli vykananyja. Bulba z hetych zapasaŭ pastaŭlałasia navat u kramy, kali tam naziralisia ciažkaści z najaŭnaściu pradukta.
Łukašenka adznačyŭ, što treba i nadalej sačyć za situacyjaj, kab prablem nie ŭźnikała i nastupnym razam. Jon dadaŭ, što častka ŭradžaju vyvoziłasia ŭ Rasiju, dzie ceny byli ŭ 2-3 razy vyšejšyja, što padšturchnuła fiermieraŭ da prodažu tudy.
Razam z tym Łukašenka padkreśliŭ: treba vyroščvać stolki bulby, kab chapiła i Biełarusi, i na ekspart. U Biełarusi ž maŭlaŭ, kali pa-dobramu, to šmat jaje i nie treba.
«Kali my budziem jeści bulbu, jak pišam u tyktokach, to chudzieńkimi nie budziem. Adzin raz na tydzień, dva maksimum, i toje zapiečanuju, piure».
Ciapier čytajuć
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1616
Kamientary