Pucin nazvaŭ zajavy pra žadańnie Rasii napaści na NATA tryźnieńniem
«Choć adzin z vas vieryć, što Maskva rychtujecca da napadu na NATA? Što heta takoje?» — skazaŭ prezident Rasii ŭ razmovie z rasijskimi žurnalistami.
«Vy viedajecie, što krainy NATA ciapier traciać na ŭzbrajeńnie 1 400 miljardaŭ dalaraŭ? Heta bolš, čym usie krainy śvietu razam uziatyja, uklučajučy i Rasiju, i Kitajskuju Narodnuju Respubliku. I nasielnictva tam, u krainach NATA, — kolki tam? — zvyš 300 miljonaŭ, 340 miljonaŭ. U Rasii, jak viadoma, 145, pad 150 ciapier. I tracim my niesuvymiernyja hrošy, prosta niesuvymiernyja hrošy na ŭzbrajeńnie. I my źbirajemsia napadać na NATA, tak? Nu što heta za tryźnieńnie?» — skazaŭ Pucin.
Prezident Rasii dadaŭ, što jeŭrapiejskija kiraŭniki nibyta padmanvajuć svajo nasielnictva dla taho, kab zabiaśpiečyć vybivańnie hrošaj ź biudžetaŭ — piać pracentaŭ — try z pałovaj plus paŭtara — i tłumačać hetym pravały ŭ ekanomicy i ŭ sacyjalnaj śfiery.
«Nu, viadoma, FRH — viadučaja ekanomika Jeŭrasajuza, bałansuje na miažy recesii. Navošta, darečy kažučy, ja dahetul hetaha nie mahu zrazumieć, čamu Fiederatyŭnaja Respublika admoviłasia ad vykarystańnia rasijskich enierhanośbitaŭ. Praz Ukrainu my pastaŭlali ŭ inšyja krainy Jeŭropy, Ukraina atrymlivała tranzitnyja hrošy ad nas — pa 400 miljonaŭ štohod, a Hiermanija čamuści admoviłasia atrymlivać rasijski haz. Čamu? Nie, racyjanalnaha tłumačeńnia prosta nie isnuje. Navošta? Volkswagen hinie, Porsche hinie, šklanaja pramysłovaść hinie, śfiera ŭhnajeńniaŭ hinie. Dziela čaho? Nazło kanduktaru kuplu bilet i nie pajedu. Tak, ci što? Jakajaś łuchta», — reziumavaŭ Pucin.
Pucin zajaviŭ, što hatovy sustrecca ź Zialenskim, ale padpisvać ź im ničoha nie budzie
«Davaj spačatku raźbiaremsia z Rasijaj». Tramp adkazaŭ na prapanovu Pucina ab pasiarednictvie na Blizkim Uschodzie
NATA pierastanie dzialicca detalami vajskovaj dapamohi Ukrainie. Zrazumieli, što heta dapamahaje Pucinu
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary