Pucin nazvaŭ rasijskuju ataku na dzieviacipaviarchovik u Kijevie, padčas jakoj zahinuli 23 čałavieki, udaram pa vajennym zavodzie
Rasija nie nanosić udary pa žyłych kvartałach u Kijevie, a bje pa «vajennych zavodach», zajaviŭ prezident RF Uładzimir Pucin. Tak jon prakamientavaŭ ataku 17 červienia na dzieviacipaviarchovy dom u ŭkrainskaj stalicy, u vyniku jakoj zahinuli 23 mirnyja žychary, a jašče 134 paciarpieli.
«Udar byŭ nie pa žyłych kvartałach, a pa abjektach abaronna-pramysłovaha kompleksu [Ukrainy]», — skazaŭ Pucin na sustrečy z kiraŭnikami mižnarodnych infarmahienctvaŭ u ramkach Pieciarburhskaha ekanamičnaha forum.
Pry hetym jon pastaviŭ pad sumnieŭ, što zachodnija žurnalisty mahli bačyć momant trapleńnia rasijskaj rakiety ŭ žyły dom. «Kali b vašy žurnalisty bačyli, jak byli źniščanyja našymi rakietami cełyja žyłyja kvartały, jany naŭrad ci mahli b vam pra heta niešta skazać. Jany b nie zastalisia ŭ žyvych. Kali jany niešta i bačyli, dyk bačyli zboku», — skazaŭ Pucin, źviartajučysia da hałoŭnaha redaktara navinavaj słužby pa Jeŭropie i Afrycy ahienctva Associated Press Džejmsa Džordana.
Pavodle słoŭ Pucina, rasijskaja armija zajmajecca «demilitaryzacyjaj» Ukrainy i rakietnymi ŭdarami pazbaŭlaje krainu «mahčymaści mieć pahroźlivyja dla Rasii ŭzbrojenyja siły».
Ciapier čytajuć
Za padpisku na kanały treš-błohiera Mełstroja ciapier buduć karać5
Za padpisku na kanały treš-błohiera Mełstroja ciapier buduć karać
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie10
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary