Пуцін назваў расійскую атаку на дзевяціпавярховік у Кіеве, падчас якой загінулі 23 чалавекі, ударам па ваенным заводзе
Расія не наносіць удары па жылых кварталах у Кіеве, а б’е па «ваенных заводах», заявіў прэзідэнт РФ Уладзімір Пуцін. Так ён пракаментаваў атаку 17 чэрвеня на дзевяціпавярховы дом у ўкраінскай сталіцы, у выніку якой загінулі 23 мірныя жыхары, а яшчэ 134 пацярпелі.
«Удар быў не па жылых кварталах, а па аб’ектах абаронна-прамысловага комплексу [Украіны]», — сказаў Пуцін на сустрэчы з кіраўнікамі міжнародных інфармагенцтваў у рамках Пецярбургскага эканамічнага форум.
Пры гэтым ён паставіў пад сумнеў, што заходнія журналісты маглі бачыць момант траплення расійскай ракеты ў жылы дом. «Калі б вашы журналісты бачылі, як былі знішчаныя нашымі ракетамі цэлыя жылыя кварталы, яны наўрад ці маглі б вам пра гэта нешта сказаць. Яны б не засталіся ў жывых. Калі яны нешта і бачылі, дык бачылі збоку», — сказаў Пуцін, звяртаючыся да галоўнага рэдактара навінавай службы па Еўропе і Афрыцы агенцтва Associated Press Джэймса Джордана.
Паводле слоў Пуціна, расійская армія займаецца «дэмілітарызацыяй» Украіны і ракетнымі ўдарамі пазбаўляе краіну «магчымасці мець пагрозлівыя для Расіі ўзброеныя сілы».
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары