Biełarusy z roznych rehijonaŭ krainy abmiarkoŭvajuć, ci buduć u hetym hodzie čarnicy. Asabliva aktyŭna heta abmiarkoŭvajecca ŭ tyktoku, zaŭvažyła vydańnie Telegraf.news.
Aŭtar videa z Homielskaj vobłaści ŭpeŭniena zajaviŭ: «Čarnic ŭ hetym hodzie nie budzie», i pad jaho rolikam razharnułasia žvavaja dyskusija.
Mnohija karystalniki z roznych rehijonaŭ Biełarusi paćviardžajuć: jahad amal niama. U Homielskaj vobłaści (uklučajučy Śvietłahorski, Homielski, Mazyrski, Žłobinski i Naraŭlanski rajony) čarnicy abo nie źjavilisia zusim, abo ich vielmi mała. Adzinaje abnadziejlivaje paviedamleńnie pryjšło z Žytkavickaha rajona, dzie skazali, što «sabie pajeści chopić».
U Bresckaj vobłaści mierkavańni padzialilisia: u niekatorych rajonach čarnic niama, ale ŭ niekatorych miescach ich krychu znajšli. U Minskaj vobłaści situacyja padobnaja — u bolšaści miescaŭ jahad niama, choć, naprykład, pad Žodzinam čarnicy jašče zialonyja. U Mahiloŭskaj vobłaści (Bychaŭski rajon) — taksama pusta.
Bolšaść tyktokieraŭ vinavaciać viasnovyja zamarazki, jakija sapsavali ŭradžaj. Adzin z kamientataraŭ napisaŭ: «Takoha nie pamiataju naohuł, kab nastolki nie było jahad». Niekatoryja kažuć, što «jašče rana», ale mnohija ŭžo nie spadziajucca na dobry ŭradžaj.
Tym, chto nie choča sam chadzić u les, paraili iści na Kamaroŭski rynak u Minsku — tam čarnicy ŭžo pradajuć nibyta pa 12 rubloŭ za šklanku. Ale i tut ludzi žartujuć: «Budzie kaštavać jak kryło samalota».
Adnak nie ŭsie zasmučanyja: adzin tyktokier napisaŭ, što ŭ jaho jašče zastałosia 10 słoikaŭ vareńnia ź minułaha hoda.
Kamientary