Ministr abarony Ukrainy abviaściŭ pra rezkaje pavieličeńnie dalnabojnych udaraŭ pa Rasii
Ukraina rychtujecca značna pavialičyć kolkaść udaraŭ pa terytoryi Rasii z dapamohaj dalnabojnych bieśpiłotnikaŭ, zajaviŭ ministr abarony Ukrainy Rustem Umieraŭ u intervju, jakoje publikuje «Interfaks-Ukraina».
Pa słovach ministra, jašče dva tydni tamu było pryniata rašeńnie ŭ niekalki razoŭ pavialičyć maštaby i kolkaść apieracyj z vykarystańniem BPŁA vialikaj dalokaści. Užo rychtujecca zakupka dziasiatkaŭ tysiač novych dronaŭ, mišeniami jakich stanuć vajskovyja abjekty na terytoryi Rasii.
Umieraŭ paviedamiŭ, što ŭ 2025 hodzie va USU płanujecca pastavić bolš za 4 miljony bieśpiłotnikaŭ. Pa stanie na siońnia 1,5 miljona ź ich užo pieradadzienyja — praź dziaržaŭnyja pastaŭki i nabyćcio niepasredna vajskovymi bryhadami. Ukrainskija vytvorcy vyjšli na abjomy, jakija dazvalajuć vypuskać bolš za 4 miljony BPŁA na hod.
Umieraŭ padkreśliŭ, što pastaŭki bieśpiłotnikaŭ adbyvajucca zhodna z hrafikam, a ŭdary pa rasijskich abjektach nanosiacca štodzionna, u miežach zaćvierdžanych płanaŭ.
Taksama adznačajecca, što jašče letaś Ukraina raspracavała sistemu rehularnych dalnabojnych apieracyj i zaklučyła kantrakty na dziesiatki tysiač dalnabojnych dronaŭ. Heta dazvoliła naładzić vysokadakładnyja ŭdary pa važnych celach u hłybiniu terytoryi Rasii.
Akramia taho, Ukraina razam z sajuźnikami pačała vytvorčaść dronaŭ-pierachopnikaŭ dla supraćdziejańnia usio bolšaj kolkaści atak z boku rasijskich BPŁA, uklučajučy iranskija «šachiedy». Vypuskam hetych dronaŭ zajmajucca try ŭkrainskija kampanii.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary