«Kab nie pravalicca ŭ haleču ŭ pieršy ž miesiac na voli». Kirył Bałachonaŭ, jakoha vyzvalili 10 dzion tamu, prosić ab dapamozie
Maładoha čałavieka, asudžanaha pa spravie «Sajuza biełaruskaha nacyjanalnaha ščyta», paśla raptoŭnaha vyzvaleńnia vyvieźli ŭ Litvu razam ź Siarhiejem Cichanoŭskim i jašče 12 viaźniami. Ciapier Kiryłu Bałachonavu treba niedzie žyć i adnavić dakumienty.
«Mianie kličuć Kirył Bałachonaŭ. Mnie 21 hod, ja z horada Buda-Kašalova — heta niedaloka ad miažy z Ukrainaj. Da aryštu ja vučyŭsia ŭ Homielskim mašynabudaŭničym kaledžy, chacieŭ stać technikam. Paśla vybaraŭ 2020 hoda ja pačaŭ udzielničać u pratestach. Nie na barykadach, a pa-svojmu: malavaŭ na płatach bieł-čyrvona-biełyja ściahi, rabiŭ vuličnyja nadpisy. Heta zdavałasia važnym i sumlennym.
A kali Rasija napała na Ukrainu, ja pačaŭ razvažać, čym mahu być karysny ŭ supracivie rasijskaj ahresii. Ustupiŭ u antyvajennuju telehram-hrupu «Sajuz biełaruskaha nacyjanalnaha ščyta».
Tam my abmieńvalisia infarmacyjaj ab pieramiaščeńni rasiejskaj techniki, pisali antyvajennyja dopisy, dzialilisia materyjałami dla TikTok, padtrymlivali inšyja inicyjatyvy kštałtu «Biełaruskaha Hajuna». Potym ja staŭ adnym z adminaŭ hurtka. U nas byli navat recepty «kaktejlaŭ». Usio heta, viadoma, śledčyja potym nie zabylisia ŭkazać u spravie.
1 listapada 2022 hoda MUS pryznała našu hrupu ekstremisckim farmavańniem. A praz tydzień mianie zatrymali. Mnie było 18. U pres-relizie MUS napisali majo imia i abvinavacili ŭ tym, što ja źbiraŭsia pajechać va Ukrainu vajavać u «nacyjanalistyčnym bataljonie». Na sudzie hučali artykuły 361-1 i 361-4: udzieł u ekstremisckim farmavańni i sadziejničańnie ekstremisckaj dziejnaści. Prysud: 3 hady i 6 miesiacaŭ kałonii ŭzmocnienaha režymu.
Ja patrapiŭ u PK-1. Pra tyja ŭmovy składana raskazać kab nie skałanucca ad uspaminu. Ciabie tam nie źbivajuć naŭprost, ale kožny dzień pieratvarajecca ŭ vyprabavańnie. Cisk, źniavahi, pastajanny strach i adzinota. Listy dachodzili nie zaŭsiody. Časam prosta chaciełasia pravalicca skroź ziamlu ci źniknuć.
U žniŭni 2023 hoda mianie pryznali palitźniavolenym. A 21 červienia 2025 hoda mianie niečakana vyzvalili. Heta było paśla vizitu śpiecpradstaŭnika prezidenta ZŠA. Mianie i jašče niekalkich čałaviek, u tym liku Siarhieja Cichanoŭskaha, adrazu vyvieźli ŭ Litvu.
Ja apynuŭsia ŭ inšaj krainie, na voli, ale z adnym pašpartam, biez hrošaj, biez rečaŭ, biez razumieńnia, što rabić dalej.
Ciapier usio vielmi niaprosta. Mnie treba niedzie žyć, na niejkija hrošy charčavacca, adnavić dakumienty, chacia b časova ŭładkavacca. I ja prašu dapamohi. Kab pratrymacca i nie pravalicca ŭ haleču ŭ pieršy ž miesiac na voli.
Dziakuj usim, chto heta čytaje. Lubaja padtrymka — heta znak, što ja nie adzin.
Suma zboru: €3100
- €1200 — 3 miesiacy žylla
- €1000 — charčavańnie i bazavyja patreby
- €500 — adzieńnie, miedycyna, srodki suviazi, dakumienty
- €400 — rezierv na niepradbačanyja vydatki
«Ličyŭ, što tak dapamahu ŭkraincam». 21-hadovy eks-palitviazień Kiryła Bałachonaŭ raskazvaje, jak zmahaŭsia z rasijskim našeściem praz TikTok i Telegram
Kirył Bałachonaŭ: «Pakul pa horadzie asabliva nie hulaju, bo ludzi na mianie hladziać, byccam ja vyjšaŭ z Aśviencima»
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim
Kamientary
Na pieriod intiehracii v miestnoje obŝiestvo biežiency imiejut pravo połučať finansovuju poddieržku v Litvie. Itohovaja summa ježiemiesiačnych vypłat zavisit ot količiestva čiełoviek v odnoj sieḿje inostrannych soiskatielej, i pierioda połučienija posobija. Lica, kotoryje biespłatno proživajut v Cientrie raźmieŝienija inostranciev, połučajut około 120 EUR v miesiac na pitanije i miełkije raschody. Pośle pieriejezda biežiency mohut zaprosiť jedinovriemiennoje rasčietnoje posobije v raźmierie ot 704 EUR na 1–2 čiełoviek do 1408 EUR na sieḿju iz 7 i boleje členov. Niesovieršiennoletnieje lico, kotoroje nachoditsia v riespublikie biez soprovoždienija, połučajet odnorazovo 1936 EUR.
Ježiemiesiačnoje dieniežnoje posobije na osnovnyje nuždy vypłačivajetsia litovskim biežiencam tolko v intiehracionnyj pieriod i umieńšajetsia s každym miesiaciem. Piervyje połhoda soiskatiel połučajet 352 EUR, pośle čieho summa možiet byť śnižiena vdvoje. Maksimalnyj pieriod vypłaty posobija sostavlajet 36 miesiaciev. Dopołnitielno biežiencam kompiensirujetsia projezd v obŝiestviennom transportie na pieriod rassmotrienija zaprosa, usłuhi pierievodčika i advokata, dostup k miedicinskoj pomoŝi i socialnym usłuham v Cientrie riehistracii inostranciev. Takžie soiskatieli mohut połučať posobija dla pokrytija ariendoj płaty i pokupki školnych prinadležnostiej dla dietiej.
-
Nado połučať status biežienca.