Hramadstva2222

«Ty pabačyš i pačuješ. Heta budzie nie bomba, a bombišča». Ranicaj 2 lipienia Pavieł Łatuška atrymaŭ list ad asoby, jakaja pastajanna atakuje jaho

Namieśnik kiraŭnicy Abjadnanaha pierachodnaha kabinieta Śviatłany Cichanoŭskaj, kiraŭnik Narodnaha antykryzisnaha ŭpraŭleńnia Pavieł Łatuška prakamientavaŭ «Biełsatu» napad na siabie, što adbyŭsia ŭ sieradu padčas uračystaha schodu ŭ Centry ŭschodniejeŭrapiejskich daśledavańniaŭ Varšaŭskaha ŭniviersiteta ŭ prysutnaści aficyjnych asobaŭ Polščy i dypłamatyčnaha korpusu.

Fota: OSC

33-hadovy biełarus Jaŭhien Kazancaŭ kinuŭ u Paŭła Łatušku śmietnicu i kryčaŭ na ŭsiu zału, što toj «zdradnik i chacieŭ spalić apazicyjanieraŭ», paŭtarajučy słovy Alaksandra Łukašenki, ahučanyja im padčas vystupu 1 lipienia.

Pavieł Łatuška pierakanany, što zdareńnie treba razhladać u bolš šyrokim kantekście.

«Za apošnija tydni ja atrymaŭ šmat pahrozaŭ zabojstva, a taksama mahčymaha vykradańnia z terytoryi Polščy. Heta byli elektronnyja listy, heta byŭ pryjezd pradstaŭnikoŭ kryminalnaha śvietu, jakija pahražali mnie, što ja budu, naprykład, vykradzieny», — apaviadaje palityk.

Zajavu Łukašenki pra toje, što Łatuška płanavaŭ spalić usich lidaraŭ apazicyi na čale sa Śviatłanaj Cichanoŭskaj 9—10 žniŭnia 2020 hoda, kiraŭnik NAU nazyvaje absalutnaj chłuśnioju i padkreślivaje, što na toj momant nie byŭ ni ŭ apazicyi, ni ŭ demakratyčnych siłach, a ŭznačalvaŭ Kupałaŭski teatr.

2 lipienia zranku Pavieł Łatuška atrymaŭ elektronny list ad asoby, jakaja rehularna jaho atakuje.

«Hetaja asoba, jak ja miarkuju, źviazanaja sa śpiecsłužbami, z KDB Biełarusi, — raskazaŭ palityk «Biełsatu». — Mnie pryjšła infarmacyja, što pačynajecca majo źniščeńnie, što ŭsio, što skazaŭ Łukašenka, najbližejšymi dniami budzie bačna. «Ty pabačyš i pačuješ. Heta budzie nie bomba, a bombišča» — tam takija słovy. I jašče dadaje, što ŭsie hetyja materyjały, jakija my pabačym, Kit Kiełah hladzieŭ padčas sustrečy z Łukašenkam».

Paśla hetaha lista namieśnik Śviatłany Cichanoŭskaj daviedaŭsia, što rasijskim śpiecsłužbam byli pieradadzienyja źviestki jahonaha pražyvańnia na terytoryi Polščy, i heta, pavodle słovaŭ palityka, paćvierdžanaja infarmacyja. Nastupnym zdareńniem staŭsia ŭłasna napad u Varšaŭskim univiersitecie.

«Padčas majho zapłanavanaha vystupu da mianie biažyć čałaviek i kidaje ŭ mianie pradmietam. Psichałahična, kaniešnie, ty rychtuješsia da ataki. Nie było nijakaha strachu, ale psichałahična ja rychtavaŭsia, što zaraz budzie ŭdar. Toj čałaviek kryčaŭ, što ja zdrajca i vinavaty ŭ tym, što chacieŭ spalić usiu biełaruskuju apazicyju. Ja razumieju, što heta čałaviek, jaki, chutčej za ŭsio, u łancužku ŭsich tych padziejaŭ, što adbyvalisia apošnimi tydniami i, u tym liku, źviazanyja z tym učorašnim vykazvańniem Łukašenki», — kaža Łatuška.

Kiraŭnik NAU spadziajecca, što śledstva vyznačyć matyvy Kazancava, a taksama ci była heta zapłanavanaja pravakacyja, ci paŭpłyvaŭ raschistany psichałahičny stan napadnika.

Palityk zaznačyŭ, što padčas jahonych sustrečaŭ sa śpiecsłužbami i ŭ Ministerstvie ŭnutranych spravaŭ Polščy jaho infarmavali pra toje, što «na siońniašni dzień davoli lohka zavierbavać našych suhramadzianaŭ, ale nie tolki, a ŭ tym liku i hramadzianaŭ inšych krainaŭ za tysiaču — dźvie tysiačy jeŭraŭ, kab učynić pravakacyju, a za troški bolšuju sumu — zabojstva».

«Tamu ja nie vyklučaŭ by situacyi, što heta, mahčyma, było arhanizavana za niejkuju sumu hrošaj. Tak mnie padałosia ź jahonych pavodzinaŭ padčas hetaj ataki na mianie», — kaža Pavieł Łatuška.

Kazancava zatrymali. Namieśnik Cichanoŭskaj zaznačyŭ, što nie razmaŭlaŭ z napadnikam i nie płanavaŭ hetaha rabić. Palityk padziakavaŭ biełarusam, jakija byli pobač ź im padčas napadu i ŭzialisia jaho achoŭvać.

«Padtrymaŭ mianie namieśnik kiraŭnika Biuro nacyjanalnaj biaśpieki Polščy. Tam byŭ ministr, ambasadar Čechii, pradstaŭnica ambasady Hruzii, kiraŭnictva ŭniviersitetu, šmat pavažnych asobaŭ, u tym liku pradstaŭniki ŭradu, prezidenta i parłamientu Polščy. Dumaju, na heta i było skiravanaje hetaje dziejańnie — pryciahnuć da jaho maksimalnuju ŭvahu», — kaža Łatuška.

Kamientary22

  • Abu
    03.07.2025
    Spačatku hebnia chacielia insceniravać kidok musarkaj ad Cichanoŭskaj ŭ Astravieckuju AES, ale niešta pajšło nia tak, i byŭ užyty Płan B.
  • Ryžij lis
    03.07.2025
    A, počiemu by nie poprosiť priezidienta Ukrainy, čtoby dał chorošich bojcov iz SSO i PKK, čtoby vykrasť Šiejmana vmiestie s Zihmanom iz Zimbabvie i dostaviť ich v Ukrainu dla dači osobo važnych pokazanij v otnošienii hriaznych dieł łuki i vsiej jeho bandy? Oni davno pri korytie i očień mnohoje znajut, vklučaja tienievyje schiematozy. Spasaja svoju škuru, rasskazali by vsie. Eta faktura była by ciennoj dla mieždunarodnoho uhołovnoho suda.
  • Kałambur
    03.07.2025
    Była načalnik Łatuški taksama kazaŭ, što jaho ŭ 1990-ja rasstralali.
    A kali biez žartaŭ, to Pałyč paśla vychadu Cichanoŭskaha budzie radavać nas padobnymi nievierahodnymi historyjami jašče i jašče, bo razumieje, što ciapier uvahi da jahonaj asoby budzie mienš i mienš

Ciapier čytajuć

Ihar Tur patraciŭ minimum 30 tysiač na premijalnuju kuchniu FOTA10

Ihar Tur patraciŭ minimum 30 tysiač na premijalnuju kuchniu FOTA

Usie naviny →
Usie naviny

U Navahrudku padpisali damovu ab stvareńni Biełaruskaha muzieja Chałakostu3

Zastreleny ŭ Kijevie pałkoŭnik SBU kiravaŭ hrupaj, jakaja likvidavała «Matarołu»1

Kanapackaja jedzie ŭ Litvu na aŭtobusie padavać zajavu ŭ Departamient dziaržbiaśpieki FOTAFAKT65

Pamierła Iryna Jaskievič

«A mianie mienš za ŭsio turbuje, ci zahavoryć Siarhiej Cichanoŭski pa-biełarusku»203

Biełarusy dzielacca videazapisami pralotaŭ rasijskich bieśpiłotnikaŭ10

U Babrujskim rajonie adšukali dva dvuchsothadovyja duby-vołaty1

U niebie nad Kijevam upieršyniu z 2022 hoda źjaviŭsia cyvilny transpartny samalot1

«Nie dla taho pracuju, kab tysiačami dalaraŭ raskidvacca». Biełaruska ŭ Polščy praz sud sprabuje viarnuć zakład za kvateru9

bolš čytanych navin
bolš łajkanych navin

Ihar Tur patraciŭ minimum 30 tysiač na premijalnuju kuchniu FOTA10

Ihar Tur patraciŭ minimum 30 tysiač na premijalnuju kuchniu FOTA

Hałoŭnaje
Usie naviny →

Zaŭvaha:

 

 

 

 

Zakryć Paviedamić