U Pientahonie i Dziarždepie ŭdakładnili pazicyju pa pastaŭkach zbroi.
Niahledziačy na zajavu Biełaha doma ab prypynieńni pastavak zbroi Ukrainie, u Vašynhtonie padkreślili, što havorka nie idzie ab poŭnym spynieńni dapamohi.
Pradstaŭnik Pientahona Šon Parneł zajaviŭ, što Ministerstva abarony «pa-raniejšamu prapanuje prezidentu Donaldu Trampu nadziejnyja varyjanty vajskovaj padtrymki Ukrainy, jakija adpaviadajuć jahonaj mecie — pakłaści kaniec hetaj trahičnaj vajnie», piša Bild.
Pa słovach Parneła, padychod da vajennaj dapamohi moža być pierahledžany, ale ZŠA nie admoviacca ad svaich abaronnych pryjarytetaŭ.
«Ministerstva aceńvaje i karektuje svoj padychod, nie źnižajučy pry hetym uzrovień bajavoj hatoŭnaści», — padkreśliŭ jon.
Padobnuju pazicyju ahučyła i pradstaŭnica Dziarždepartamienta Temi Brus. Jana zapeŭniła, što «havorka nie idzie ab spynieńni padtrymki Ukrainy ci pastavak zbroi»
Bolš za toje, pavodle jejnych słoŭ, prezident Tramp paćvierdziŭ svaju prychilnaść pastaŭkam sistem supraćpavietranaj abarony Patriot, jakija adyhrali klučavuju rolu ŭ adbićci rasijskich napadaŭ.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal5
Kamientary