Paźniak asudziŭ Cichanoŭskaha: Siedziačy piać hadoŭ, možna było da biełaruskaj movy źviarnucca

— Adzin z tych, kaho vyzvaliŭ Łukašenka, byŭ Siarhiej Cichanoŭski. Jakaja była vašaja pieršaja reakcyja, a jakaja paśla taho, jak Cichanoŭski abjaviŭ, što źbiraje kamandu, kab za try tydni zrynuć režym Łukašenki. Nanieści ŭdar. Bo vy kazali, što da źmienaŭ u Biełarusi moža pryvieści tolki niejki radykalny šlach raźvicca padziejaŭ. 

— Ja naziraŭ za im u 2020 hodzie. Navat pisaŭ, spadziavaŭsia, što navat ź jaho moža niešta być. Bo maja zadača była vyciahnuć jaho z hetaha ruskaha bałota. Nie ŭpeŭnieny, što jon heta čytaŭ. Ale toje, što ja zaraz pabačyŭ, to hety bałahan praź miesiac-paŭtara skončycca. Heta poŭnaje nierazumieńnie čałavieka, kudy jon trapiŭ, što jon robić i dzie jon jość. Ja pasłuchaŭ jahony vystup, dzie jon kamandu stvaraje, 10 tysiač prosić. Treba brać hetaje videa i ŭ kinafilm pra Astapa Bendera. Čałaviek ničoha nie razumieje.

— Ale jon vyjšaŭ z turmy…

— Tak, vyjšaŭ z turmy, i kali nie razumieješ, to pastarajsia zrazumieć. Ty nie ŭ Biełarusi, zaraz nie 2020 hod, nie idzie elektaralnaja kampanija, heta zamiežža.

Jak vy možacie, małady čałaviek, zrynuć režym adsiul u Biełarusi? Mitynhami? Demanstracyjami? Jon nie razumieje ŭvohule.

I na što ty prosiš hrošy? Jakaja kamanda? Była takaja cikavaja zaŭvaha. Žonka jahonaja jaho kaniečnie lubić, ale hrošy nie daje.

Pavialičyć

— Vy zakidali Siarhieju Cichanoŭskamu, što jon musić raźličycca z ruskim miram. Ale Siarhiej Cichanoŭski publična asudziŭ rasiejskuju ahresiju i kazaŭ pra toje, što choča palepšyć stan svajoj biełaruskaj movy. Ci hetaha nie dastatkova?

— Hetaha nie dastatkova. Heta prosta rytoryka. Siarhiej Cichanoŭski ŭdzielničaŭ u kremloŭskaj afiory ŭ 2020 hodzie. Hetaja afiora kaštavała doraha biełaruskamu narodu. I represii, i zabojstvy. Śviadoma ci nieśviadoma — heta druhaja sprava. Ja liču, što jaho vykarystali tady. Ale jon zajaŭlaŭ tady publična pra prynaležnaść da ruskaha miru, nie raz.

— Ale ciapier zajaŭlaje advarotnaje…

— Heta mała zajavić. Jon zajaŭlaje, što nie treba jamu biełaruskaja mova, Łukašenka jaje źniščyŭ. Heta nie praŭda. Piać hadoŭ siedziačy možna było da biełaruskaj movy źviarnucca. Ciapier idzie vajna ruskaha miru. Rašyzm — heta strašniej čym fašyzm. Rašyzm robić staŭku na ruskuju movu. I tamu heta palityka. Nierazumieńnie hetych pytańniaŭ na bytavym uzroŭni moža być, ale kali ty pajšoŭ u palityku, takija rečy treba razumieć. Kali vy hetaha nie razumiejecie, značyć vy zastalisia ŭ ruskim miry.

Za Krym, za ŭsie hetyja pachody jak tam kažuć, za hetyja videa, jakija pakazvali Ńju-Jork, za ŭsio heta treba adkazvać.

Heta nie žarty, heta nie demanstracyi pačućciaŭ. Za palitykaj stajać žyćci, losy cełych nacyjaŭ. Kali jon nie razumieje, to kaža «dajcie mnie 200 dalaraŭ». Ja paŭtaraju: hety bałahan skončycca za miesiac-paŭtara. Heta poŭny bałahan što zaraz adbyvajecca.

• 39
• 5
• 1
• 8
• 0
• 1
• 6
• 0