Cichanoŭski: Łukašenku treba sudzić pa łukašysckich zakonach, ale pasadzić na koł
Siarhiej Cichanoŭski vystupiŭ za samaje žorstkaje pakarańnie dla Alaksandra Łukašenki. Pra heta jon skazaŭ u intervju Mikitu Miełkazioravu ŭ prahramie «Žyćcio-malina».
«Ja maru, kab [Łukašenku] asudzili zakonna, usie złačynstvy, usio heta padniali, pakazali dokazy», — skazaŭ Cichanoŭski.
Ale, ličyć jon, sposab śmiarotnaha pakarańnia pavinien być samym žorstkim.
«Ale kab u kancy jaho ŭsio ž taki i na koł kab pasadzili, na koł prosta. Voś było takoje pakarańnie kaliści na Rusi — jon ža tak da Rusi imkniecca?» — skazaŭ Siarhiej Cichanoŭski.
— Heta, Siarhieju, pa-chryścijansku? — pierapytaŭ Mikita Miełkazioraŭ.
— Heta pa Łukašenku. Łukašystaŭ treba sudzić pa łukašysckich zakonach, — adkazaŭ Cichanoŭski.
Cichanoŭski ŭ «Žyćci-malinie» byŭ jašče bolš rezki, čym zvyčajna, u svaich vykazvańniach.
Jon nazvaŭ Łukašenku «mrazotaj».
«Ja nie fantaziruju na hetyja temy, ja nie chaču hetaj mrazoty… navat u svaich rolikach nie chaču jaho pakazvać niejkaha… Mnie niepryjemny hety čałaviek, absalutna. Tolki ja vyjšaŭ, [jon] užo łuchtu naraskazvaŭ, [što] mianie amierykancy ŭžo niečym našpihoŭvali, treniravali mianie, jak mnie płakać u jaki momant. Dy Cichanoŭskim niemahčyma kiravać! Ni amierykancy, ni afhancy, ni vjetnamcy, nichto nie zmoža heta rabić», — zajaviŭ Cichanoŭski.
Cichanoŭski miarkuje, što dla Biełarusi nadychodzić momant mahčymaściej dla vyzvaleńnia, bo «situacyja źmianiłasia».
«Kali nie buduć čuć našych hałasoŭ, buduć čuć prykłady našych vintovak, — zajaviŭ Siarhiej Cichanoŭski. — Ale kaža maja intuicyja: my da hetaha nie pryjdziem, my vyrašym heta «da», kali biełarusy ŭ mianie pavierać, — dadaŭ Cichanoŭski. — U vas u mnohich jość hranicy, jakija vas abmiažoŭvajuć. U mianie niama hranic. U mianie fantazija nie abmiežavanaja. Kali ŭ mianie jašče i resursy buduć…»
— Ty abasracca nie baišsia? — pierapytaŭ Cichanoŭskaha Miełkazioraŭ.
— Nie bajusia! — kaža Cichanoŭski.
-
Da maci biełaruskaha vandroŭnika, jaki ździejśniŭ kruhaśvietku, prychodzili siłaviki
-
Prapahandysty paśla roliku ŭ tyktoku pajechali ŭ viaskovuju kramu — tam užo ŭsie zadavolenyja, a palicy poŭnyja
-
«Nie viedaju, što vy tam vypraŭlali, ale minus jak byŭ tak i zastaŭsia». Klijenty bankaŭ praciahvajuć skardzicca na niapravilnyja bałansy
Ciapier čytajuć
Polšča pryznała Alaksandra Mašenskaha niepažadanaj asobaj35
Kamientary