Ціханоўскі: Лукашэнку трэба судзіць па лукашысцкіх законах, але пасадзіць на кол
Сяргей Ціханоўскі выступіў за самае жорсткае пакаранне для Аляксандра Лукашэнкі. Пра гэта ён сказаў у інтэрв'ю Мікіту Мелказёраву ў праграме «Жыццё-маліна».
«Я мару, каб [Лукашэнку] асудзілі законна, усе злачынствы, усё гэта паднялі, паказалі доказы», — сказаў Ціханоўскі.
Але, лічыць ён, спосаб смяротнага пакарання павінен быць самым жорсткім.
«Але каб у канцы яго ўсё ж такі і на кол каб пасадзілі, на кол проста. Вось было такое пакаранне калісьці на Русі — ён жа так да Русі імкнецца?» — сказаў Сяргей Ціханоўскі.
— Гэта, Сяргею, па-хрысціянску? — перапытаў Мікіта Мелказёраў.
— Гэта па Лукашэнку. Лукашыстаў трэба судзіць па лукашысцкіх законах, — адказаў Ціханоўскі.
Ціханоўскі ў «Жыцці-маліне» быў яшчэ больш рэзкі, чым звычайна, у сваіх выказваннях.
Ён назваў Лукашэнку «мразотай».
«Я не фантазірую на гэтыя тэмы, я не хачу гэтай мразоты… нават у сваіх роліках не хачу яго паказваць нейкага… Мне непрыемны гэты чалавек, абсалютна. Толькі я выйшаў, [ён] ужо лухту нарасказваў, [што] мяне амерыканцы ўжо нечым нашпігоўвалі, трэніравалі мяне, як мне плакаць у які момант. Ды Ціханоўскім немагчыма кіраваць! Ні амерыканцы, ні афганцы, ні в'етнамцы, ніхто не зможа гэта рабіць», — заявіў Ціханоўскі.
Ціханоўскі мяркуе, што для Беларусі надыходзіць момант магчымасцей для вызвалення, бо «сітуацыя змянілася».
«Калі не будуць чуць нашых галасоў, будуць чуць прыклады нашых вінтовак, — заявіў Сяргей Ціханоўскі. — Але кажа мая інтуіцыя: мы да гэтага не прыйдзем, мы вырашым гэта «да», калі беларусы ў мяне павераць, — дадаў Ціханоўскі. — У вас у многіх ёсць граніцы, якія вас абмяжоўваюць. У мяне няма граніц. У мяне фантазія не абмежаваная. Калі ў мяне яшчэ і рэсурсы будуць…»
— Ты абасрацца не баішся? — перапытаў Ціханоўскага Мелказёраў.
— Не баюся! — кажа Ціханоўскі.
Цяпер чытаюць
У Суле адзначылі Купалле. Гасцей было столькі, што на дарогах утварыліся заторы6
Каментары