Rasijski ministr, źniaty z pasady siońnia, zastreliŭsia jašče ŭ subotu?
Cieła byłoha ministra traspartu Rasii i eks-hubiernatara Kurskaj vobłaści Ramana Staravojta było znojdziena ŭ subotu 5 lipienia, paviedamiła krynica vydańnia RBK u siłavych strukturach. Raniej paviedamlałasia, što čynoŭnik zastreliŭsia paśla taho, jak 7 lipienia źjaviłasia paviedamleńnie pra jaho adstaŭku.
Pa słovach hetaj krynicy, pa spravie hibieli Staravojta buduć pryznačanyja ekśpiertyzy — balistyčnaja i miedycynskaja, jakija dapamohuć vyśvietlić pryčynu hibieli. Adna z asnoŭnych viersii zdareńnia — samahubstva.
«Na miescy zdareńnia byli kanfiskavanyja ślady, jakija mohuć mieć značeńnie pa spravie», — adznačyŭ surazmoŭca.
Pra toje, što Raman Staravojt pamior u noč z suboty na niadzielu, paviedamlaje i vydańnie Forbes. Kali infarmacyja hetaha vydańnia dakładnaja, to čynoŭnik byŭ užo miortvy na toj momant, kali dniom u niadzielu Mintrans paviedamiŭ, što Staravojt nibyta pravioŭ apieratyŭnuju naradu ŭ suviazi z uciečkaj amijaku na tankiery Eco Wizard u porcie Uść-Łuha.
«U situacyjna-infarmacyjnym centry Mintransa prajšła apieratyŭnaja narada pa hetym incydencie pad staršynstvam ministra transpartu Ramana Staravojta», — havaryłasia ŭ paviedamleńni viedamstva.
Uskosna paćvierdziŭ viersiju, što Raman Staravojt zastreliŭsia jašče da aficyjnaha zvalnieńnia z pasady, kiraŭnik kamiteta Dziarždumy pa abaronie Andrej Kartapołaŭ, jaki skazaŭ vydańniu RTVI, što heta adbyłosia «davoli daŭno».
Cikava, što, kamientujučy siońnia na bryfinhu adstaŭku Ramana Staravojta, pres-sakratar prezidenta Rasii Dźmitryj Piaskoŭ zajaviŭ, što jon pakinuŭ pasadu ministra transpartu nie z pryčyny straty davieru. Maŭlaŭ, u padobnych vypadkach u prezidenckim ukazie adkryta paznačajecca takaja farmuloŭka, a ŭ dakumiencie ab adstaŭcy takoha nie było.
Ciapier čytajuć
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary