Śviatłana Cichanoŭskaja sustrełasia ź ministram unutranych spraŭ Litvy. Razmova išła pa-biełarusku
Biełaruskaja demakratyčnaja lidarka Śviatłana Cichanoŭskaja praviała pieramovy ź ministram unutranych spravaŭ Litvy Uładzisłavam Kandratovičam. Razmova, jak padkreślivajecca ŭ paviedamleńni pres-słužby Śviatłany Cichanoŭskaj, prajšła na biełaruskaj movie, što padkreśliła dabrazyčlivaje staŭleńnie litoŭskaha palityka da biełaruskaha naroda.
Uładzisłaŭ Kandratovič dobra viedaje biełaruskuju movu, bo pachodzić ź vioski Niemiež, jakaja mieścicca na paŭdniovy ŭschod ad Vilni, niedaloka ad biełaruskaj miažy. Miascovaje nasielnictva maje ŭ asnoŭnym polskuju nacyjanalnuju śviadomaść, ale movaj štodzionnaj kamunikacyi ŭ hetych vioskach prynamsi ŭ raniejšyja časy była pieravažna biełaruskaja. Dziela taho vychadcy adtul navat kali sami nie havorać pa-biełarusku, to dobra jaje razumiejuć.
U sustrečy, akramia Uładzisłava Kandratoviča, taksama brali ŭdzieł kiraŭnica departamienta mihracyi Evielina Hudzinskajcie i ambasadarka pa asablivych daručeńniach Asta Andryjaŭskienie.
Uładzisłaŭ Kandratovič adznačyŭ, što Litva praciahnie padtrymlivać biełarusaŭ, a Cichanoŭskaja ŭ adkaz padziakavała za paśladoŭnuju padtrymku i vykazała ŭdziačnaść za rašeńni, jakija palahčajuć žyćcio biełarusaŭ u Litvie.
Padčas sustrečy baki ŭźniali pytańni, klučavyja dla biełarusaŭ.
Najpierš byli zakranutyja prablemy, jakija ŭźnikajuć u biełarusaŭ pry atrymańni časovych dazvołaŭ na žycharstva i inšych dakumientaŭ. Śviatłana Cichanoŭskaja prapanavała stvaryć rabočuju hrupu dla apieratyŭnaha vyrašeńnia prablemaŭ. U svaju čarhu, Uładzisłaŭ Kandratovič zapeŭniŭ, što kožny kiejs razhladajecca indyvidualna, a kožnaje rašeńnie moža być abskardžana praz sud.
Taksama Cichanoŭskaja źviarnułasia z prośbaj praciahnuć terminy zamieny biełarusami aŭtamabilnych numaroŭ. Litoŭski ministr adznačyŭ, što ŭ hod miažu ź Biełaruśsiu pierasiakajuć kala 1,5 miljonaŭ razoŭ i dla Litvy vielmi važnaje pytańnie biaśpieki. U toj ža čas jon zapeŭniŭ, što pamiežnyja pierachody zastanucca adkrytyja dla pasažyrskaj kamunikacyi.
Ministr unutranych spraŭ Litvy vykazaŭsia za techničnaje ŭzmacnieńnie miažy ź Biełaruśsiu
Novy ministr unutranych spraŭ Litvy Kandratovič: Kulturna samaja blizkaja kraina dla Litvy — heta, viadoma, Biełaruś
Novy kiraŭnik MUS Litvy raskazaŭ, ci treba zakryvać reštu punktaŭ propusku na miažy ź Biełaruśsiu
Premjer Litvy: Słovy Kandratoviča pra blizkaść biełaruskaj nacyi hučać dziŭna
«Ja mieŭ na ŭvazie blizkaść biełaruskaha naroda, a nie krainy». Kiraŭnik MUS Litvy adkazaŭ na krytyku premjera
Ciapier čytajuć
Kamientary
zakrytyja punkty propusku, skaračeńnie aŭtobusnych rejsaŭ, niemahčymaść ujezdu na aŭto ź biełaruskimi numarami, niavydača viz paspalitym biełarusam dla naviedvańnia svajoj histaryčnaj stalicy - Vilni, vytrasańnie charču i vady na miažy na ŭjeździe, masavyja admovy ŭ vnž.. što tam jašče ŭ padtrymcy było za apošni čas?
Jo słovy (pryhožyja i pravilnyja), a jo spravy (dziejańni suprać biełaruskich hramadzian zamiest režymu), i niejak pieršaje z druhim mocna razychodzicca.