Praŭda, u minułym siezonie Mikita Tałapiła zhulaŭ za «Vankuvier» tolki dva matčy.
Hienieralny mieniedžar kłuba Nacyjanalnaj chakiejnaj lihi «Vankuvier Kenaks» Patryk Alvin abviaściŭ pra padpisańnie novaha kantrakta ź biełaruskim hałkipieram Mikitam Tałapiłam. Baki ŭzhadnili ŭmovy dvuchhadovaha dvuchbakovaha pahadnieńnia, piša «Biełaruski chakiej».
U siezonie 2025/26 zarpłata hulca składzie $775 000 pry hulni ŭ NCHŁ i $230 000 u ACHŁ. U siezonie 2026/27 — $775 000 u NCHŁ i $380 000 u Amierykanskaj chakiejnaj lizie ŭ «Abatsfordzie»
«Mikita pravioŭ dobry hod z punktu hledžańnia raźvićcia ŭ Abatsfordzie, — adznačyŭ Alvin. — Jon šmat pracavaŭ nad saboj i zrabiŭ krok napierad u stanaŭleńni jak prafiesijanał. My praciahniem padtrymlivać jaho na šlachu dalejšaha prahresu — jak dla samoha hulca, tak i dla našaj arhanizacyi».
U siezonie 2024/25 25-hadovy Tałapiła pravioŭ 36 matčaŭ za «Abatsford Kenaks» (ACHŁ), atrymaŭšy 20 pieramoh pry 14 parazach i dvuch aviertajmach. Jaho kaeficyjent nadziejnaści skłaŭ 2.66, pracent adbitych kidkoŭ — 90.2, a taksama čatyry «suchija» matčy. U płej-of jon zhulaŭ adzin matč.
Taksama ŭ siezonie 2024/25 biełaruski varatar debiutavaŭ u NCHŁ, pravioŭšy dva matčy za «Vankuvier», atrymaŭšy adnu pieramohu (1—1—0, 2.15, 88.5).
Za dva siezony ŭ ACHŁ Tałapiła zhulaŭ 71 matč, atrymaŭšy 40 pieramoh (40—27—3), z pakazčykami 2.74 i 90.3, a taksama čatyrma šatautami.
Uradženiec Minska pradstaŭlaŭ zbornuju Biełarusi na mižnarodnaj arenie, u tym liku na čempijanatach śvietu siarod junijoraŭ 2017 i 2018 hadoŭ, moładzievych čempijanatach śvietu 2018, 2019 (srebra) i 2020 (bronza) u dyvizijonie 1A.
Tałapiła padpisaŭ kantrakt z «Kenaks» jak niedraftavany volny ahient 31 sakavika 2023 hoda.
Pa zakančeńni kantrakta stanie nieabmiežavana svabodnym ahientam.
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary