Hramadstva2626

Prapanoŭvali hrošy, novy pašpart i naviedvańnie Biełarusi biez nastupstvaŭ. Biełaruska za miažoju raskazała, jak jaje vierbavaŭ KDB

Biełaruska, vymušanaja pakinuć radzimu ŭ 2021 hodzie, raskazała «Salidarnaści» pra pierapisku ź vierahodnym supracoŭnikam śpiecsłužbaŭ.

Natalla Masiuk. Fota: asabisty archiŭ

Historyju słuččanki Natalli Masiuk niadaŭna raskazała «Salidarnaść». Paśla vybaraŭ u žniŭni 2020 hoda Natalla ŭdzielničała ŭ akcyjach suprać hvałtu, viała pieramovy ź miascovaj «viertykallu». Jak i mnohija aktyvisty, jana prajšła praz dopyty ŭ KDB i SK, pieratrusy, kanfiskacyju techniki.

Paśla taho jak biełaruskija ŭłady pryznali płatformu «Schod» «ekstremisckim farmiravańniem» u śniežni 2021 hoda, Natalla była vymušanaja źjechać ź Biełarusi.

Razam ź dziećmi biełaruska pryjechała ŭ Čarnahoryju. Ułady admovili Natalli ŭ mižnarodnaj abaronie, i niadaŭna jana pakinuła hetuju krainu. U publikacyi taksama havaryłasia, što termin dziejańnia pašparta biełaruski zakančvajecca ŭ žniŭni hetaha hoda.

U subotu, 12 lipienia, Natalli ŭ telehramie napisaŭ čałaviek ź nikam @gfst1297, padpisany jak Siarhiej Piatroŭ. Jon rastłumačyŭ, što pradstaŭlaje arhanizacyju, jakaja znachodzicca ŭ Minsku, na praśpiekcie Niezaležnaści, 17.

Natalla adkazała, što hety adras joj ničoha nie havoryć, bo jana słuččanka. «Siarhiej Piatroŭ» napisaŭ, što viedaje pra heta, i nazvaŭ jaje adras pa miescy rehistracyi ŭ Słucku.

Jon rastłumačyŭ, što pracuje ŭ KDB, ale admoviŭsia nazvać svajo imia i pasadu, udakładniŭšy, što jaho vieryfikacyju možna arhanizavać praź luboha čałavieka ŭ krainie, naprykład, svajaka Natalli.

«Usprymaju heta jak pahrozu», — napisała Natalla. «Zusim nie. Usiaho tolki sposab vieryfikacyi. Nie ŭ našych intaresach vieści razmovu z pazicyi zapałochvańnia», — zajaviŭ surazmoŭca.

Kažučy pra metu zvarotu, jon rastłumačyŭ, što, na jaho dumku, Natalla źjaŭlajecca aktyŭnym pradstaŭnikom dyjaspary biełarusaŭ Čarnahoryi. Natalla zaŭvažyła, što ŭ jaho niedakładnaja infarmacyja, i skazała, što znosiny ź im siabie vyčarpali.

Joj adkazali, što «taki šaniec nie časta dajecca», i prapanavali kamunikacyju ŭ abmien na hrošy abo novy pašpart, a taksama naviedvańnie siamjoj Biełarusi biez nastupstvaŭ.

«Siarhieja Piatrova» cikaviła, ci ŭdzielničaje Natalla ŭ jakich-niebudź prajektach demsił: «Vy byli ŭ druhim sklikańni KS, a ciapier u jakich strukturach?»

Natalla admoviłasia ad dalejšaj kamunikacyi z supracoŭnikam śpiecsłužbaŭ:

«Kali vy dobra vyvučyli maju spravu abo, moža, viedajecie mianie asabista (naprykład, vy adzin z tych, chto dapytvaŭ mianie), to pavinny byli zrazumieć, što sieksotam ja nie stanu ni pry jakich abstavinach.

Ja zanadta ŭpartaja i vieru ŭ toje, čym zajmałasia i zajmajusia ŭ Schodzie, KS i h. d. Łukašenka i jaho słuhi pavinny syści. Heta toje, u čym ja nikoli navat sumniavacca nie budu. Viartańnie ŭ dyktatarskuju krainu, pakul takija, jak vy, va ŭładzie i ŭ dziaržorhanach, niemahčymaje. Nie takoha žyćcia ja chaču svaim dzieciam.

Pakul ja pry pamiaci i ŭ svaim rozumie, słužyć i padsłužvać vam nie budu. Budu zmahacca z vami roznymi, navat samymi niaznačnymi sposabami (kropla kamień točyć). Nie marnujcie bolš moj, dy i svoj čas na maju viarboŭku. Byvajcie».

Na raźvitańnie kedebešnik pažadaŭ Natalli pośpiechaŭ u baraćbie i vydaliŭ pierapisku.

U kancy červienia stała viadoma, što biełarusam, jakija žyvuć u Hruzii, pastupajuć padobnyja prapanovy ŭ telehramie. Nieviadomyja, jakija nazyvajuć miescam pracy KDB Biełarusi, źviartajucca z prapanovaj, jakaja «mahčyma, zacikavić».

Kamientary26

  • Someone
    13.07.2025
    Kolki supracoŭnikaŭ KDB za ŭvieś hety čas zavierbavali pradstaŭniki dem sił?
  • Tak skazaŭ Zianon
    13.07.2025
    Someone, demsiły ciapier šče i supracoŭnikaŭ kdb vierbavać musiać?
  • 1
    13.07.2025
    Natalla Masiuk – razumnaja, pryhožaja, śmiełaja! Sapraŭdnaja Biełaruska!

Ciapier čytajuć

Daviedalisia, jak žyvie Siarhiej «Chłopatnaje dzielca» Mironaŭ6

Daviedalisia, jak žyvie Siarhiej «Chłopatnaje dzielca» Mironaŭ

Usie naviny →
Usie naviny

Mužčyna raźbiŭ videakamieru ŭ padjeździe, nadzieŭšy dla maskiroŭki trusy na hałavu8

Skandynavija pryciahvaje biełarusa: dalnabojščyk raskazaŭ ab pracy ŭ krai vikinhaŭ2

«Matroškami ŭžo nie ździviš». U Rasii zaklikali stvaryć svoj anałah Łabubu3

Viadučaja «Marafonu adzinstva» ŭ padtrymku Łukašenki adpačyvała ŭ Łatvii27

Na poŭnačy Bresta praciahvaje śmiardzieć, ułady zaklikajuć «nie panikavać»2

Sa Šviecyi departujuć jašče adnu biełaruskuju siamju11

Pad Bychavam adkryli pomnik archieałahičnaj znachodcy 1960 hoda. Jon padobny da nadmahilla

Va Ukrainie pad upłyvam pratestaŭ viartajuć niezaležnaść antykarupcyjnym orhanam8

U Miorach padletak pradavaŭ parnahrafiju, vykarystaŭšy numar susieda

bolš čytanych navin
bolš łajkanych navin

Daviedalisia, jak žyvie Siarhiej «Chłopatnaje dzielca» Mironaŭ6

Daviedalisia, jak žyvie Siarhiej «Chłopatnaje dzielca» Mironaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić