HUBAZiK sfatahrafavaŭ zatrymanych z padroblenymi pašpartami Novaj Biełarusi
Blizki da siłavikoŭ telehram-kanał zajaviŭ ab zatrymańni dvuch mahiloŭcaŭ, što nibyta pryjechali ŭ Biełaruś z pašpartami Novaj Biełarusi. Ale vyjaviłasia, što dakumienty padroblenyja.
Daradca Śviatłany Cichanoŭskaj Franak Viačorka ŭ kamientaryi «Našaj Nivie» adznačyŭ, što pašparty, jakija trapili na fotazdymak z kanała siłavkioŭ, — padroblenyja. Na ich nie tak napisana nazva krainy, jak na aryhinalnym pašparcie Novaj Biełarusi.
Na pašparcie Novaj Biełarusi kraina napisana jak «Biełaruś», a na fota hubazikaŭcaŭ — «Respublika Biełaruś».
Viačorka upeŭnieny, što padrobku dakumienta zrabili biełaruskija śpiecsłužby.
«Abłažalisia jany. Navat mulaž nie mohuć zrabić narmalna», — skazaŭ Viačorka.
Kali pahladzieć, jak vyhladajuć pašparty, atrymanyja Siarhiejem Cichanoŭskim i Alaksandram Kłačko (tut i tut), to taksama bačna adroźnieńnie ŭ napisańni nazvy krainy.
Pavodle zajavy praŭładnaha kanała, ciapier adnaho z zatrymanych abvinavačvajuć pavodle č. 1 art. 361-4 KK Biełarusi — «sadziejničańnie ekstremisckaj dziejnaści». Jon aryštavany.
Druhi mahiloviec znachodzicca pad padpiskaj — pavodle hubazikaŭcaŭ, jon pahadziŭsia zapłacić 10 tysiač dołaraŭ — u «storazovym pamiery kampiensacyi», spadziejučysia na «spynieńnie kryminalnaj spravy za finansavańnie ekstremizmu».
Adnak, miarkujučy pa tym, što pašparty — padrobka, usia hetaja historyja — fejk z vykarystańniem «akcioraŭ», prydumany dla zastrašvańnia.
«A zmožacie vylecieć zaŭtra?» Džon Koŭł raskazaŭ, jak piŭ z Łukašenkam harełku, kab damovicca pra vyzvaleńnie palitviaźniaŭ9
Kamientary
Łukašienko obmielčał, nie hnušajetsia 10 tysiač baksov zarabotannych šantažom i vymohatielstvom.