U Minsku aktyŭna viadziecca ramont i budaŭnictva transpartnaj infrastruktury. Jak paviedamiŭ dyrektar DP «Hardarbud» Siarhiej Panieŭ na pres-kanfierencyi ŭ BiełTA, štohod u horadzie ramantujuć 4—5 puciepravodaŭ.
Užo zavieršanyja raboty na dvuch abjektach — puciepravod pa vulicy Daŭhabrodskaj praz vulicu Vaniejeva i puciepravod nad čyhunkaj Maskva — Minsk.
Amal zavieršany i ramont puciepravoda pa vulicy Vaŭpšasava: adkryty ruch, praciahvajucca azdableńnie fasadaŭ i naniasieńnie raźmietki.
Ramont praciahvajecca na puciepravodzie praź Śvisłač pa vulicy Haładzieda. Zavieršany demantaž, i ŭžo pačaty ramont apor. U najbližejšy čas płanujecca ŭstanoŭka belek, kab da kanca hoda adkryć ruch u hetym kirunku.
Taksama idzie rekanstrukcyja centralnaha puciepravoda pamiž praśpiektam Niezaležnaści i vulicaj Maskoŭskaj. Płanujecca zamianić pralotnyja kanstrukcyi i prakłaści nad čyhunkaj adziny mietaličny pralot, što palepšyć biaśpieku ekspłuatacyi. Zaviaršeńnie rabot taksama zapłanavana na hety hod.
U najbližejšych płanach — pašyreńnie Daŭhinaŭskaha trakta.
Akramia taho, raspracoŭvajucca inšyja prajekty, u tym liku praca nad trecim kalcavym šlacham, jaki złučyć Frunzienski, Centralny, Kastryčnicki i Maskoŭski rajony.
Siarod užo realizavanych abjektaŭ Panieŭ nazvaŭ ramont puciepravoda pa praśpiekcie Žukava — adnaho z samych praciahłych u horadzie, a taksama składanuju rekanstrukcyju mosta praz čyhunku na vulicy Vaŭpšasava, dla jakoj spatrebilisia asobnyja inžyniernyja rašeńni.
Čynoŭniki raskazali, jak zmahajucca z padtapleńniami ŭ Minsku
Jak idzie ramont mosta na praśpiekcie Niezaležnaści FOTY
Zaviaršyć ramont mastoŭ u Minsku płanujuć da 2027 hoda
Vierchni horad i Rakaŭskaje pradmieście čakaje vialikaje pieraŭtvareńnie. Što źmienicca?
Praz «pahrozu žyćciu i zdaroŭju hramadzian». U Minsku da kanca hoda pierakryjuć vulicu Haładzieda
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary