Paśla bolš jak 60 hadoŭ prysutnaści francuzskaja armija pakinuła Sieniehał. Heta stała vynikam rašeńnia novaha prezidenta krainy Basiru Dyjamaja Faja, jaki padkreśliŭ, što Sieniehał — niezaležnaja i suviarennaja dziaržava, i zamiežnyja vajskovyja bazy na jaje terytoryi nieprymalnyja, paviedamlaje Euronews.
17 lipienia 2025 hoda, Francyja aficyjna pieradała Sieniehału apošnija dva svaje abjekty — vajskovy łahier Žej i avijacyjny punkt u aeraporcie Dakara.
Ciapier pastajannaja francuzskaja vajskovaja prysutnaść u Sieniehale skončanaja, choć Paryž zastajecca adkrytym da supracoŭnictva z Dakaram u inšych śfierach.
Hety krok staŭ častkaj šyrejšaha pracesu vyvadu francuzskich vojskaŭ z Afryki, jaki pačaŭsia jašče raniej: u apošnija hady Francyja ŭžo pakinuła Mali, Čad, Burkina-Faso i Nihier.
Jak praviła, sychod z rehijonu Francyi vykarystoŭvajecca Rasijaj, jakaja pry padtrymcy afrykanskich padraździaleńniaŭ PVK «Vahnier» spryjaje prychodu ŭ hetych krainach da ŭłady praz vajskovyja pieravaroty svaich palityčnych sajuźnikaŭ.
U Afrycy Francyja jašče maje bazu ŭ Džybuci, dzie znachodzicca kala 1500 vajskoŭcaŭ.
Ciapier čytajuć
«Mis Biełaruś» usio bolš nahadvaje konkurs pryhažości ŭ haremie8
Kamientary