U biełarusa, aryštavanaha ŭ Hruzii, pryniali zajavu na palityčny prytułak
U Hruzii dniami na try miesiacy aryštavali biełarusa za parušeńnie mihracyjnaha zakanadaŭstva, ale ciapier jahony status mohuć pierahledzieć — jon padaŭ zajavu na atrymańnie palityčnaha prytułku. Jak paviedamiła vydańniu «Miedyjazona» jahonaja dziaŭčyna Alina (imia źmieniena), sudovaje pasiadžeńnie pryznačana na piatnicu, 18 lipienia.
Pavodle słoŭ dziaŭčyny, advakat rastłumačyŭ joj, što ciapier mužčyna znachodzicca ŭ Hruzii lehalna i jość nadzieja, što jaho vyzvalać.
Raniej sud pastanaviŭ uziać biełarusa pad vartu, bo jon nie pakidaŭ Hruziju bolš za 365 dzion, jak taho patrabuje zakon. Pašpart mužčyny skončyŭsia jašče ŭ 2020 hodzie i jon bajaŭsia źviartacca ŭ biełaruskaje konsulstva, kab nie być pieraśledavanym.
Biełarus žyŭ u Hruzii ŭžo dzieviać hadoŭ. Da 2020 hoda jon čas ad času viartaŭsia ŭ Biełaruś, ale paśla pratestaŭ jaho, pavodle słoŭ dziaŭčyny, pačali šukać za «reposty z ekstremisckich krynic». U 2022 hodzie, kaža jana, da jahonaj kvatery ŭ Biełarusi prychodzili siłaviki, choć u suviazi z čym — dakładna nieviadoma.
14 lipienia mužčyna sprabavaŭ padać zajavu na prytułak, ale «pa techničnych pryčynach» jaje nie pryniali, a na vychadzie jaho zatrymała palicyja.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary