Rasijski AŭtaVAZ nazvaŭ ceny na novy aŭtamabil Lada Iskra, jaki byŭ upieršyniu pradstaŭleny ŭ studzieni 2025 hoda. Hetaja madel zadumvałasia jak dastupnaja zamiena dla ŭžo sastarełaj liniejki Granta, ale ŭ vyniku zaniała pramiežkavaje miesca pamiž Vesta i Granta, paviedamlaje Autonews.ru.
Sieryjnuju vytvorčaść Iskra pačali ŭ krasaviku, adnačasova startavaŭ pryjom pieradzamoŭ. U prodaž pastupiać try varyjanty kuzava: siedan, univiersał i krośviersija. Usie buduć z ruchavikami abjomam 1,6 litra, mahutnaściu ad 90 da 106 konskich sił, ź miechaničnaj abo aŭtamatyčnaj karobkaj pieradač.
Pa pamierach Iskra blizkaja da Granta i Renault Logan III, ale krychu mienšaja za Vesta. Źniešnie jana vielmi nahadvaje «starejšuju» madel — tyja ž vyštampoŭki na bakach i «bumieranhi» na bampiery. Płanujecca siem koleraŭ: sini, bieły, čorny, ciomna-čyrvony, srebny, karyčnievy i aranžavy.
Aŭtamabil budzie vypuskacca ŭ čatyroch kamplektacyjach: Comfort, Life, Enjoy i Techno. Ceny — ad 1,249 da 1,579 miljona rasijskich rubloŭ (prykładna ad $16 000 da $20 000). Aficyjny start prodažaŭ u Rasii — 20 lipienia.
U Biełarusi Lada zajmaje druhoje miesca pa prodažach siarod aŭtamabilnych brendaŭ, z dolaj kala traciny rynku. U lutym 2025 hoda brend pačaŭ pradavać u Biełarusi biznes-siedan Lada Aura.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary