Dziaŭčyna chacieła arandavać u Minsku stylnuju dvuchpakajoŭku za $380, ale zapadozryła niadobraje
Ašukancy ŭ śfiery arendy žylla praciahvajuć padmanvać ničoha nie padazrajučych biełarusaŭ. I choć naviny na hetuju temu vychodziać rehularna, daloka nie ŭsie viedajuć pra novuju schiemu. Minčanka Maryna niadaŭna natrapiła na falšyvaha arendadaŭcu, ale svoječasova zapadozryła niešta niadobraje, piša Onliner.by.
— Navat nie viedaju, što rabić dalej. Praciahvajuć padmanvać ludziej, — zasmučajecca dziaŭčyna.
Uvahu Maryny pryciahnuła stylnaja dvuchpakajovaja kvatera na vulicy Čechava za $380 u miesiac.
— Natrapiła na abjavu i ŭstupiła ŭ pierapisku z uładalnikam žylla. Pra padobnyja vypadki čytała raniej. Toj ža počyrk. Paviedamleńni anałahičnyja, pašpart i dakumienty na kvateru — tyja ž, — raspaviadaje Maryna.
Dziaŭčyna vyrašyła dać machlaram urok i adpraviła im spasyłku na artykuł pra ich:
— Paśla taho, jak ja skinuła artykuł pra ich, mianie zabłakiravali i vydalili ŭsie fota z dakumientami i numaram karty.
Jak nie trapić na vudu ašukancaŭ?
Takich prykładaŭ pa krainie dziasiatki, a to i sotni. Tamu milicyja nahadvaje: kab nie trapić na vudu ašukancaŭ, nieabchodna vykonvać miery zaściarohi.
Zaŭsiody patrabujcie i praviarajcie dakumienty na kvateru. Časta ŭ abjavach vystaŭlajuć zdymnyja kvatery, jakich nie isnuje. Abaviazkova prasicie ŭłaśnika pakazać pašpart pobač z tvaram, patrabujcie, kab jon prajšoŭsia pa kvatery z uklučanym videa: naprykład, pakazaŭ spalniu. Tak vy budziecie viedać, što heta dakładna kvatera, vystaŭlenaja ŭ abjavie.
Kali ŭładalnik žylla demanstruje kopii dakumientaŭ, treba paprasić pradstavić aryhinały. Ašukancy pry pierapiscy časta vykarystoŭvajuć raniej vykradzienyja kopii dakumientaŭ, u tym liku pašpartoŭ, daviedak, paśviedčańniaŭ.
Hałoŭnaje — ni ŭ jakim razie nie ŭnosicie avans. Nie varta apłačvać što-niebudź biez zaklučeńnia damovy arendy. Akramia taho, nieabchodna prapisvać u damovie pieradaču depazitu, umovy jaho nieviartańnia i abaviazkova brać raśpisku za avans.
«Admyła kvateru, a jana kaža: vyjazdžaj». Biełaruska źniała adnapakajoŭku ŭ Minsku, ale haspadynia ŭbačyła «kamunałku» i pieradumała
«Kali zatopić, adrazu i nie zrazumieješ, adkul mienavita». U Minsku jość unikalny šmatpaviarchovik, dzie ŭsie kvatery — trochuzroŭnievyja.
Samy paśpiachovy błohier-sadavod Bresta pierarabiŭ stary furhon u dačny domik VIDEA
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie6
Kamientary