Cieła zahinułaha matacyklista dva dni lažała na ŭzbočynie, bo palicyi Polščy i Litvy nie zmahli damovicca pamiž saboj
Pavodle infarmacyi polskaha sajta brd24.pl, cieła litoŭskaha matacyklista pralažała dva dni kala darohi, pakul jaho nie znajšli rodnyja dziakujučy GPS-kaardynatam, piša Delfi.lt.
Avaryjny vypadak adbyŭsia 5 lipienia kala vioski Natalavica na polskaj trasie S6. Kamiery zafiksavali, jak 40-hadovy mužčyna pierastroiŭsia ŭ pravuju pałasu, źjechaŭ na travu i ŭrezaŭsia va ŭzhorak.
Žonka matacyklista ŭviečary taho samaha dnia paviedamiła ŭ palicyju pra źniknieńnie muža, pieradaŭšy GPS-kaardynaty apošniaha sihnału. Ale da 7 lipienia jaho nichto nie znajšoŭ — cieła vypadkova znajšli svajaki ŭ vysokaj travie i vyklikali palicyju.
Vyśvietliłasia, što litoŭskaja palicyja adrazu sprabavała źviazacca z polskimi kalehami, ale z-za moŭnaha barjera jany nie zmahli parazumiecca. Palaki paprasili dasłać list pa elektronnaj pošcie, ale jon nie dajšoŭ — litoŭcy pamyłkova ŭviali adras: zamiest [email protected] było napisana dezurny…, z pamyłkaj u adnoj litary.
Da polskaj palicyi, takim čynam, nie dajšła infarmacyja pra źniknieńnie, i tolki 7 lipienia ŭ 16:45 jaje narešcie atrymali. Mienš čym praz hadzinu, u 17:39, litoŭcy paviedamili, što siamja sama znajšła cieła zahinułaha.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary