Na borcie samalota Chabaraŭsk — Tynda, što raźbiŭsia siońnia ŭ Amurskaj vobłaści Rasii, znachodzilisia 49 čałaviek: 43 pasažyry i šeść členaŭ ekipažu.
«Usie asoby, što znachodzilisia na borcie pavietranaha sudna, zahinuli», — zajaviła aficyjnaja pradstaŭnica SK Rasii Śviatłana Piatrenka.
SK raspačaŭ kryminalnuju spravu pa artykule ab parušeńni praviłaŭ ruchu i ekspłuatacyi pavietranaha transpartu, što pa nieaściarožnaści paciahnuła śmierć bolš čym dvuch asob.
Na borcie znachodzilisia 49 čałaviek: 43 pasažyry i šeść členaŭ ekipažu.
Bort nakiroŭvaŭsia pa maršrucie Chabaraŭsk — Błahavieščansk — Tynda. Na pošuki adpravili ekstrannyja słužby. Paźniej abłomki samalota znajšli za 15 km ad Tyndy.
Pavodle źviestak RBK, havorka idzie pra samalot avijakampanii «Anhara». Baza piša, što samalot An-24 rychtavaŭsia da pasadki, ale nie zdoleŭ pryziamlicca ź pieršaha razu, tamu łajnier pajšoŭ na druhi kruh, paśla čaho suviaź ź im źnikła. Pavodle papiaredniaj infarmacyi, na borcie samalota znachodzilisia 43 pasažyry, u tym liku piaciora dziaciej, a taksama šeść členaŭ ekipaža.
An-24 byŭ vyrableny amal 50 hadoŭ tamu, siertyfikat lotnaj prydatnaści jamu padoŭžyli da 2036 hoda. U Rasavijacyi paviedamili TASS, što z 2018 hoda sudna trapiła ŭ čatyry avijaincydenty. Pry hetym, pavodle śćviardžeńnia avijakampanii, samalot prajšoŭ pravierku pierad vyletam.
Ciapier čytajuć
Palitviazień raskazaŭ, jak zvyčajnyja kryminalniki abjavili haładoŭku, kab palepšyć umovy ŭtrymańnia palityčnych3
Kamientary