U Minsku mužčyna zasnuŭ u aŭtobusie i atrymaŭ dziaviatuju sudzimaść
30-hadovamu žycharu Minska, jaki pierad tym užo vosiem razoŭ byŭ asudžany pa roznych artykułach, vynieśli čarhovy prysud — ciapier za niezakonnaje nabyćcio i zachoŭvańnie psichatropaŭ biez mety zbytu, paviedamlaje ahienctva «Minsk-Naviny».
Incydent adbyŭsia ŭ haradskim aŭtobusie: na kancavym prypynku kiroŭca pabačyŭ u sałonie śpiačaha pasažyra, jaki nijak nie pračynaŭsia. Milicyjaniery, što pryjechali na vyklik, zaŭvažyli ŭ mužčyny prykmiety narkatyčnaha apjanieńnia i dastavili jaho ŭ RUUS.
Pry asabistym ahladzie ŭ zaplečniku pasažyra znajšli pakunak z paraškom i špryc z vadkaściu. Paźniej zatrymany pryznaŭsia, što nabyŭ psichatrop (alfa-PVP) dla asabistaha karystańnia i častku jaho ŭžo ŭžyŭ.
Jak paviedamiŭ pradstaŭnik prakuratury, abvinavačany nidzie nie pracuje i raniej pryciahvaŭsia da adkaznaści, u tym liku za padobnyja pravaparušeńni.
Sud pryznaŭ jaho vinavatym i pakaraŭ čatyrma hadami abmiežavańnia voli z nakiravańniem va ŭstanovu adkrytaha typu, častkova dałučyŭšy da novaha terminu i nieadbytuju častku pakarańnia pa raniejšym prysudzie.
Kamientary