Biełarus, jaki viartaŭsia na radzimu z Polščy, sprabavaŭ niezakonna pieravieźci praź miažu bolš za 65 tysiač maniet, ale byŭ vykryty bresckimi mytnikami.
Fota: Dziaržaŭny mytny kamitet
37-hadovy kiroŭca hruzavika Volvo nakiroŭvaŭsia praz punkt propusku «Kazłovičy», kali mytniki pry dapamozie śpiecyjalnaha inśpiekcyjnaha abstalavańnia znajšli schavanuju kalekcyju maniet.
Usiaho jany znajšli 65,5 tysiačy maniet z roznych krain, roznych hadoŭ i naminałaŭ, ahulnym koštam bolš za 60 tysiač rubloŭ.
U adnosinach da mužčyny raspačaty administracyjny praces za sprobu pravozu tavaraŭ biez dekłaracyi z utojvańniem ad kantrolu. Jamu pahražaje štraf da 1260 rubloŭ i mahčymaja kanfiskacyja maniet.
Kamientary