Rasija mocna paškodziła važny most u Chiersonie. Ci kaža heta pra padrychtoŭku da desantu na pravy bierah?
Rasijskija vojski ŭžo niekalki dzion bjuć pa moście, jaki złučaje horad ź mikrarajonam Karabieł. Na hetym fonie źjavilisia čutki pra mahčymuju padrychtoŭku da vysadki desantu. Nakolki heta realistyčny scenar?
Rasijanie try dni zapar skidajuć avijabomby pa Astroŭski most. Na videa z nastupstvami, apublikavanym Chiersonskaj abłasnoj vajennaj administracyjaj, bačnaja skraznaja praboina.
U subotu ŭ hety rajon prylacieli dźvie avijabomby — adna nie papała ŭ most i trapiła ŭ žyłuju zabudovu. U niadzielu pryloty paŭtarylisia, ich achviaraj staŭ 65-hadovy mužčyna.
Astroŭski most — heta adziny aŭtamabilny puciepravod, jaki złučaje horad ź mikrarajonam Karabieł. Jak śćviardžajuć u Siłach abarony Poŭdnia Ukrainy, nijakich vajennych abjektaŭ pablizu niama. Pastajannyja abstreły i raniej uskładniali cyvilnuju łahistyku, a ciapier pakinuli mahčymym tolki padvoz praduktaŭ charčavańnia. Jak piša «RBK-Ukraina», pa miedykamienty ludzi vymušanyja vyjazdžać u bolš biaśpiečnyja rajony.
U suviazi z hetym žycharoŭ Karabieła zaklikali evakujavacca, pakul heta možna zrabić adnosna biaśpiečna. Ci kaža abviaščeńnie evakuacyi pra niebiaśpieku paŭtornaj akupacyi?
Čutki pra padrychtoŭku da vysadki desantu pačali aktyŭna pašyrać rasijskija pabliki. Taksama źjavilisia dapuščeńni, što paśla Astroŭskaha mosta pačnucca ataki i pa inšych u roznych haradach Ukrainy.
Pres-sakratar Sił abarony Poŭdnia Uładzisłaŭ Vałošyn adznačyŭ, što rasijanie bjuć pa ŭsich rajonach Chiersona. A Karabielny — prosta najbližejšy da ich pazicyj na levym bierazie Dniapra.
«Jany nanosiać udary, kab stvaryć tak zvanuju «miortvuju zonu» ŭzdoŭž Dniapra, kab tam nie zastałosia nijakich budynkaŭ, nijakich cełych ukryćciaŭ, jakija možna vykarystać z metaj abarony», — adznačyŭ Vałošyn.
Vałošyn bačyć dźvie mety atak na Astroŭski most — teror suprać mirnych žycharoŭ i sproba adrezać łahistyku USU. Ukrainski vajskoviec adkidaje pahrozu padrychtoŭki nastupu na Chierson. Pa jaho słovach, raka tut davoli šyrokaja.
«Kali b jany płanavali bolš maštabnyja dziejańni, im spatrebiłasia b vialikaja kolkaść sił i srodkaŭ, jakija ciažka schavać ad raźviedki. Naša raźviedka i Siły abarony takich sił i srodkaŭ ciapier nie fiksujuć», — śćviardžaje Uładzisłaŭ Vałošyn.
Źnikłuju ŭ Mjanmie Vieru Kraŭcovu znajšli miortvaj6
Źnikłuju ŭ Mjanmie Vieru Kraŭcovu znajšli miortvaj
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4242
Kamientary
Nu, da, nu da. A to čto chochły každuju niedielu pytajutsia vasadiť diesant na levyj bierieh Dniepra, nikto koniečno zdieś nie napišiet. Kak raz paru dniej do obstrieła razmołotili jeŝie odnu hruppu s biratanskimi rembami.