«Ź ludziej uziali raśpiski, kab usie maŭčali». Nieviadomy bieśpiłotnik upaŭ u noč na paniadziełak u Rečycy
Žycharoŭ pryvatnaha siektara evakujavali.
U noč na paniadziełak, 4 žniŭnia, u Rečycy ŭłady evakujavali žycharoŭ damoŭ u pryvatnym siektary ŭ rajonie zavoda mietaličnych vyrabaŭ paśla padzieńnia bieśpiłotnika, piša «Fłahštok».
Pavodle słoŭ miascovych žycharoŭ, siłaviki pryjechali kala apoŭnačy, kab pravieści evakuacyju.
«Ci to na pravadach zavis dron, ci to niedzie zabłytaŭsia. Nie zdetanavaŭ. Vulicu abharadzili, žycharoŭ vyvieli za aharodžu. Potym pryjechali sapiory i ŭziali jaho. Ź ludziej uziali raśpiski, kab usie maŭčali», — raskazaŭ adzin z surazmoŭcaŭ. Druhaja krynica paćvierdziła, što paźniej bačyła milicejskuju aharodžu na ŭčastku vulicy Horkaha ŭ pryvatnym siektary ŭ rajonie zavoda.
Nivodnaja aficyjnaja krynica nie prainfarmavała pra incydent. Ab kryminalnaj spravie, jak heta było z padzieńniem BPŁA ŭ Minsku, taksama nie paviedamlałasia.
Incydent adbyŭsia padčas čarhovaj rasijskaj masiravanaj ataki na Ukrainu, ale ŭ tuju noč ukrainskija manitorynhavyja kanały nie zaŭvažyli zalotaŭ rasijskich BPŁA ŭ Homielščynu — adnak zafiksavali niekalki vyletaŭ dronaŭ z terytoryi Biełarusi ŭ Čarnihaŭskuju vobłaść.
Da taho ž u noč na 4 žniŭnia charakterny huk «jak u mapieda» čuli kala vioski Hraboŭka ŭ Homielskim rajonie.
Pavodle źviestak ukrainskaha manitorynhavaha kanała eRadar, trajektoryja rasijskich BPŁA toj nočču była niezvyčajnaj: bieśpiłotniki fiksavalisia pry vylecie z pavietranaj prastory Biełarusi ŭ kirunku Ukrainy.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary