Na ANT zajavili, što Łatuška ŭ kancy lipienia 2020 nibyta chacieŭ spalić štab Cichanoŭskaj. Łatuška adkazaŭ na heta
U siužecie ANT prapahanda śćviardžaje, što Pavieł Łatuška nibyta chacieŭ spalić štab Cichanoŭskaj. Raskazvajecca, što nibyta ŭ kancy lipienia 2020 hoda Łatuška sustrakaŭsia pad Minskam z Alaksandram Husakom — byłym siłavikom, jaki paśla zvalnieńnia z orhanaŭ pracavaŭ namieśnikam kiraŭnika ŭ Biełaruskim moładzievym teatry, a ŭ 2020-m staŭ vałancioram pry štabie Babaryki, kab dapamahać z achovaj.
Husak u siužecie zajaviŭ, što na toj sustrečy Łatuška krytykavaŭ Cichanoŭskuju i «faktyčna prapanavaŭ spalić štab». U kadry sa śpiny niemahčyma zrazumieć, z kim razmaŭlaje Husak u hustych zaraślach.
Prapahanda taksama apublikavała zapis razmoŭ, śćviardžajučy, što na ich hołas Łatuški. Na ich abmiarkoŭvajecca, što kali adbudziecca niejkaja pravakacyja, to Łukašenku źniasuć.
Varta adznačyć, što ŭ lipieni 2020 hoda Pavieł Łatuška byŭ hiendyrektaram Kupałaŭskaha teatra i jašče nie dałučyŭsia adkryta da apazicyi. Spynić hvałt na vulicach kalektyŭ teatra razam z Łatuškam patrabavaŭ 13 žniŭnia 2020 hoda, zvolnieny Łatuška byŭ 17 žniŭnia. A ŭ Kaardynacyjnuju radu ŭvajšoŭ 18 žniŭnia. To-bok na niekalki tydniaŭ paźniej paśla apisanaj prapahandaj historyi.
Kiraŭnik Narodnaha antykryzisnaha ŭpraŭleńnia Pavieł Łatuška ŭ kamientary «Našaj Nivie» adkazvaje pra Husaka:
«Nie sustrakaŭsia, nie moj hołas i, viadoma, ničoha padobnaha nie toje što nie moh rychtavać, ale i abmiarkoŭvać».
Siužet ANT Łatuška nazyvaje łuchtoj.
«Łukašenka ž hetuju łuchtu sam vydumaŭ i pastaviŭ zadaču dakazać što 1+1=3.
I jon ža ŭzhadniŭ vychad hetaha siužetu, realna ličačy, što heta «bambišča». Prosta «hienij» pijaru.
Heta teleśpiektakl dla adnaho hledača. Jak były hienieralny dyrektar Nacyjanalnaha akademičnaha teatra imia Janki Kupały staŭlu hetaj pastanoŭcy «0». Zusim biez ahieńčyka».
Palityk dadaje, što Łukašenka ŭsiu krainu pieratvaraje ŭ adnu vialikuju fantaziju.
«Jaki tam znoŭ hod dla vas jon pryznačyŭ? Hod varjactva?» — pytajecca Łatuška ŭ čynoŭnikaŭ i prapahandystaŭ.
«Učora adrazu paśla demanstracyi filma i siońnia ŭ 5 ranicy ja atrymaŭ dźvie pahrozy fizičnaha hvałtu i zabojstva z tych ža krynic i pa toj ža schiemie, jak pierad napadam u Varšaŭskim univiersitecie.
U mianie niama sumnievaŭ, što heta śpiecapieracyja KDB infarmacyjnaha, prapahandysckaha i siłavoha charaktaru, jakaja raspačataja publična 1 lipienia hetaha hoda i sankcyjanavanaja asabista dyktataram Łukašenkam», — prakamientavaŭ Pavieł Łatuška.
«Byŭ prosta vałancioram». Što viadoma pra načalnika achovy štaba Babaryki, jakoha pakazali pa ANT
Na kanviercie Cichanoŭskaj napisana «Miedviediu O.V.» Što heta za čałaviek?
Cichanoŭskaja: Nijakich hrošaj ja nie prasiła, mnie prosta ŭsunuli hety kanviert. Jaho da siońnia nie raśpiačatvała
Na ANT pakazali kadry, na jakich Andrej Paŭlučenka pieradaje niejki skrutak Cichanoŭskaj
Ciapier čytajuć
Zatrymali adnaho z udzielnikaŭ juvielirnaha brenda Belaruskicry Jahora Bužyłava. Prapahandysty pakazali jaho5
Kamientary
majo mierkavańnie, taja enierhija, toj "zarad bodraści", jaki ludzi atrymali ŭ tyja časy nie byli prydušany represijami, hvałtam i zapužvańniem, a pierajšła ŭ patencyjnuju enierhiju! usio jašče budzie!
Buduć jašče viertaloty da rastova, pryvatnyja rejsy unačy ŭ dubai i td