Alaksandra Hierasimienia pra prodaž kvatery z aŭkcyjonu: Patelefanavali ŭłaśniku i skazali, što buduć adbirać
Pra toje, što kvateru, dzie była prapisana alimpijskaja pryziorka razam sa svajoj dačkoj, vystavili na aŭkcyjon, Alaksandra Hierasimienia daviedałasia z navin.
Nahadajem: u 2022 hodzie biełaruski sud zavočna prysudziŭ dvuchrazovaj alimpijskaj pryziorcy Alaksandry Hiermasimieni 12 hadoŭ kałonii. Taksama ŭ jaje aryštavali amal 50 tysiač dalaraŭ na rachunkach, kvateru, mašynu i inšuju majomaść.
Tady Alaksandra raspaviadała, što nie ŭsia taja majomaść naležyć joj:
— Aryštavanaja kvatera nie ŭ majoj ułasnaści, jak i haraž i ŭsio, što ŭnutry kvatery i haraža. Heta kvatera majho blizkaha svajaka, i tam prapisanaja, akramia mianie i muža, dačka, tamu ja nie viedaju, jak jany mohuć jaje zabrać. Ale ž u našaj krainie niama nijakich zakonaŭ.
Kala dvuch miesiacaŭ tamu Alaksandra daviedałasia, što nakont kvatery zvanili ŭłaśniku.
— Tam nichto nie žyŭ, ale ž byli prapisanyja my z dačkoj i ŭsioj siamjoj, tamu ŭsio niejak dziŭna. Prosta patelefanavali ŭłaśniku i skazali, što buduć adbirać. To-bok zabrali čužuju kvateru, a zapisali, byccam maja, — adkazała jana «Našaj Nivie».
Na pytańnie, ci vieryć jana, što niekali atrymajecca viarnuć tuju kvateru, Alaksandra adkazvaje spakojna:
— Nie viedaju navat. Atrymajecca — dobra. Nie atrymajecca — nu i ładna.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj86
Kamientary
ale dziela biełarusaú heta tajamnica pališynela
P.S. Choć kaniešnie chitry pierakup moža paŭtorna pradavać užo ad svajho imia. Rejestr prablemnaj majomaści nie zaškodzić.