Linhvistka i byłaja palitźniavolenaja Natalla Dulina raspaviała, jak prachodzić jaje adaptacyja paśla vyzvaleńnia
9 žniŭnia Natalla Dulina pieršy raz paśla vyzvaleńnia naviedała štohadovuju kanfierencyju «Novaj Biełarusi».
U kalidorach Varšaŭskaha ŭniviersiteta, dzie adbyvałasia dyskusija, Natalla Dulina padzialiłasia z «Našaj Nivaj», što ŭražańnie ad svajho pieršaha paśla vyzvaleńnia vialikaha mierapryjemstva maje dobraje.
«Mnie asabliva heta karysna, tamu što ja pravaliłasia ŭ hetuju časavuju dzirku, zaraz ja nanova heta pražyvaju, pry čym pražyvaju ŭ zusim inšym farmacie i inšym asiarodździ», — skazała jana.
Zaraz linhvistka adaptujecca da žyćcia ŭ Vilni i kaža, što adčuvaje siabie narmalna. Bližejšym časam jana płanuje lačyć zuby i dystancyjna vykładać.
«Kali ja vyjšła, u mianie byŭ mocny šok praz toje, jak heta atrymałasia. Ale litaralna praz paru dzion ja pryjšła ŭ siabie. Pa-pieršaje, heta źviazana z tym što nas sustreli ludzi, arhanizacyi biełaruskija, jakija nas prosta ŭziali na ruki i panieśli. Usie nieabchodnyja rečy — nas usim zabiaśpiečyli», — kaža jana.
Šok ad niečakanaha vyzvaleńnia joj dapamahło pieražyć i toje, što svajaki ŭ Biełarusi skazali joj, što im ciapier za jaje spakojna.
«Ja vielmi rada, što im narešcie nie treba kožny dzień trapać niervy i što jany sapraŭdy ščaślivy, što ja ciapier u biaśpiecy. Ja kali heta pačuła, ja zrazumieła, što ŭ hetym jość plus. Kali ja mahu hetym ich pazbavić ad drennych dumak, ad niervatropki, ad tryvožnaści — heta ŭžo vielmi dobra».
Arhanizatary kanfierencyi «Novaja Biełaruś» paviedamili, što ŭ pieršy dzień mierapryjemstva sabrała bolš za 420 čałaviek, siarod ich — kala 50 zamiežnych dypłamataŭ i 70 žurnalistaŭ z roznych krain.
Pieršuju panelnuju dyskusiju pryśviacili mierkavańniu žurnalistaŭ, ekśpiertaŭ i palitźniavolenych ab tym, «jak my źmianilisia za 5 hadoŭ». Mienavita na joj i vystupiła Dulina.
«Svaboda kančajecca tam, dzie pačynajecca strach», — skazała jana padčas svajoj pramovy.
Usie hrošy eks-palitźniavolenaj Natalli Dulinaj sabrali za ličanyja hadziny
Dulina suprać źniaćcia sankcyj: Heta jak damaŭlacca ź ludažeram, kab jon bolš nie jeŭ ludziej
Byłaja vykładčyca MDŁU Natalla Dulina viehanka. Jak jana charčavałasia ŭ kałonii?
«Stajać na svaim, kožny nakolki moža!» Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii
Kamientary