Hramadstva22

Usie hrošy eks-palitźniavolenaj Natalli Dulinaj sabrali za ličanyja hadziny

Eks-dacentka kafiedry italjanskaj movy Minskaha dziaržaŭnaha linhvistyčnaha ŭniviersiteta, byłaja palitźniavolenaja Natalla Dulina ŭčora źviarnułasia pa dapamohu, zbor u jaje padtrymku byŭ abjaŭleny na płatformie «Bajsoł».

Natallu Dulinu ŭ 2020 hodzie, paśla ŭdziełu ŭ ahulnanacyjanalnym strajku, zvolnili z pracy ŭ MDŁU. Z tych časoŭ jana piać razoŭ padviarhałasia administracyjnym aryštam pa 14 abo 15 sutak za palityčnuju aktyŭnaść.

3 kastryčnika 2022 hoda jaje zatrymali pa kryminalnych artykułach pa abvinavačańniach u aktyŭnym udziele ŭ masavych mierapryjemstvach na terytoryi MDŁU i «sadziejničańni ekstremisckaj dziejnaści», čym nazvali intervju niezaležnamu ŚMI. Žančynie prysudzili 3,5 hadoŭ pazbaŭleńnia voli.

Pakarańnie jana adbyvała ŭ žanočaj kałonii №4 u Homieli. Kali da zakančeńnia terminu zastavałasia 6 miesiacaŭ, Dulinu padčas vizitu ŭ Minsk pradstaŭnika prezidenta ZŠA Kita Kiełaha razam z hrupaj inšych palitviaźniaŭ vyvieźli ŭ Litvu. Tak jana apynułasia ŭ vymušanaj emihracyi, choć sama mieła namier adbyć termin da kanca i paśla taho zastacca žyć doma.

Ciapier Natalli Dulinaj nieabchodna niejak stać na nohi i zabiaśpiečyć siabie, praciahvać žyć na novym miescy, znajści pracu.

«U Biełaruś ja viarnucca nie mahu, heta niebiaśpiečna i moža skončycca čarhovym aryštam. Mnie maralna vielmi ciažka, tamu što mianie pazbavili domu, pazbavili jakoha-niebudź statusu. Ja vyzvalenaja, ale ŭ mianie niama dakumientaŭ, jakija dakazvajuć heta. Ja hramadzianka Biełarusi, ale nie mahu tam žyć. Ja piensijanierka, ale praz adsutnaść dakumientaŭ nie mahu atrymlivać svaju piensiju. Faktyčna ja adrezanaja ad svajho raniejšaha žyćcia, a kab pačać novaje, nieabchodnaja dapamoha», — piša Dulina.

Jana prosić biełarusaŭ sabrać joj €5000. Heta daść mahčymaść na praciahu chacia b niekalkich pieršych miesiacaŭ znajści žyllo i vyrašyć prablemy sa zdaroŭjem, pakolki žančyna maje patrebu ŭ pratezavańni zuboŭ.

Nieabchodnyja piać tysiač jeŭra sabrali za ličanyja hadziny. Pa stanie na 07:00 ranicy sabrana 5681 jeŭra.

Padtrymać Natallu Dulinu možna pa spasyłcy.

Kamientary2

  • Niezrazumieła
    10.07.2025
    Navat takija ludzi prosiać dapamohu. Dzie tam "Mižnarodny humanitarny fond", jaki stvaraŭsia dla dapamohi achviaram represij u Biełarusi!?
  • Yvan
    10.07.2025
    My sobrali. čieriez tierroriszdičieskij bajsoł. Viertuchajam iz hubopopika i kakbyb-be priviet

Ciapier čytajuć

Cichanoŭski raskazaŭ, što treba było rabić u žniŭni 2020-ha62

Cichanoŭski raskazaŭ, što treba było rabić u žniŭni 2020-ha

Usie naviny →
Usie naviny

«Nie viedaju, što vy tam vypraŭlali, ale minus jak byŭ tak i zastaŭsia». Klijenty bankaŭ praciahvajuć skardzicca na niapravilnyja bałansy3

Papularnaja minskaja šaŭrmiennaja trapiła ŭ skandał. Što zdaryłasia2

U Mahilovie padčas niepahadzi žančynu zabiła drevam, jašče čatyry čałavieki paciarpieli

Biełaruska paśla płatnaj miedycyny pajšła ŭ dziaržaŭnuju i raskazała svaje ŭražańni7

U Abu-Dabi pačalisia pieramovy Pašyniana i Alijeva3

Čarha na polskaj miažy kančatkova rassmaktałasia2

Kiełah: Ukrainie patrebny novy «Płan Maršała»4

Nie tolki «kitajcy». Jakija biudžetnyja novyja aŭto prapanuje biełaruski rynak8

Kijeŭ zaznaŭ masiravanuju ataku dronami i balistykaj

bolš čytanych navin
bolš łajkanych navin

Cichanoŭski raskazaŭ, što treba było rabić u žniŭni 2020-ha62

Cichanoŭski raskazaŭ, što treba było rabić u žniŭni 2020-ha

Hałoŭnaje
Usie naviny →

Zaŭvaha:

 

 

 

 

Zakryć Paviedamić