Miedyki raskazali pra stan paciarpiełych u strašnym DTZ u Dziatłaŭskim rajonie
Učora na Hrodzienščynie adbyłasia avaryja, u jakoj zahinuli try čałavieki — abodva kiroŭcy i 47-hadovaja pasažyrka Renault. Troje dziaciej i dvoje darosłych byli špitalizavanyja. Minzdaroŭja paviedamiła, što z paciarpiełymi ciapier.
Pavodle paviedamleńnia, usie paciarpiełyja byli dastaŭleny ŭ Dziatłaŭskuju CRB.
4-hadovy chłopčyk i 12-hadovaja dziaŭčynka ź ciažkimi traŭmami pastupili ŭ reanimacyju. Dziaŭčyncy zrabili terminovuju apieracyju jašče da prybyćcia abłasnych śpiecyjalistaŭ.
U Dziatłava prybyli chirurh, aniestezijołah-reanimatołah i traŭmatołah z Hrodzienskaj abłasnoj dziciačaj balnicy, niejrachirurh i tarakalny chirurh z Balnicy chutkaj miedycynskaj dapamohi Hrodna, a taksama dziciačy niejrachirurh i dziciačy reanimatołah z Respublikanskaha centra arhanizacyi miedycynskaha reahavańnia.
Na hety momant 12-hadovaja dziaŭčynka zastajecca ŭ reanimacyi Dziatłaŭskaj CRB, jaje stan aceńvajecca jak ciažki; paśla stabilizacyi jaje płanujuć pieravieści ŭ Hrodzienskuju abłasnuju dziciačuju kliničnuju balnicu.
4-hadovy chłopčyk z traŭmaj žyvata i pierałomam halonkastupniovaha sustava ŭžo pieraviedzieny ŭ Hrodzienskuju abłasnuju dziciačuju kliničnuju balnicu — jaho transparciroŭku supravadžali supracoŭniki DAI dla zabieśpiačeńnia apieratyŭnaści.
23-hadovaja pacyjentka ź pierałomam ściahna praciahnie lačeńnie ŭ Balnicy chutkaj miedycynskaj dapamohi.
17-hadovy padletak i 24-hadovaja dziaŭčyna buduć lačycca ŭ chirurhičnym adździaleńni Dziatłaŭskaj CRB, ich stan aceńvajecca jak siaredniaj ciažkaści.
Ciapier čytajuć
Pamior narodny artyst Biełarusi Jarasłaŭ Jeŭdakimaŭ — vykanaŭca chitoŭ «Začarovanaja maja» i «Fantazior»15
Kamientary