U suviazi z prachodžańniem vułkaničnaha vobłaka nad terytoryjaj Jeŭropy avijakampanija «Biełavija» admianiła čatyry rejsy, zapłanavanyja na 18 krasavika:
— Minsk—Paryž—Minsk V2 865/V2 866 (vylet ź Minska ŭ 8.20; vylet z Paryža ŭ 15.05);
— Minsk—Kijeŭ—Minsk V2 845/V2 846 (ź Minska ŭ 9.35; z Kijeva ŭ 12.35);
— Minsk—Ryha—Minsk V2 841/ V2 842 (ź Minska ŭ 13.20; z Ryhi ŭ 16.20);
—Minsk—Łondan—Minsk V2 851/ V2 852 (ź Minska ŭ 12.10; z Łondana ŭ 19.05).
«Čakajecca praciah sur`ioznych zbojaŭ u hrafiku palotaŭ,
— paviedamlaje avijakampanija. — Klijenty, čyj pieralot byŭ admienieny, mohuć być pieraviezieny na nastupnych mahčymych rejsach abo atrymać poŭny košt niavykarystanaha bileta ŭ lubym ofisie «Biełavija», turystyčnym ahienctvie, dzie byli vypisany aryhinalnyja bilety, pazvaniŭšy abo adpraviŭšy elektronny list u naš centr padtrymki pasažyraŭ».
17 krasavika było admieniena piać rejsaŭ:
Minsk—Amsterdam—Minsk; Minsk—Kijeŭ—Minsk; Minsk—Varšava—Minsk; Minsk—Praha—Minsk i Minsk—Miłan—Minsk. Zatrymka rejsa Minsk—Łarnaka skłała piać hadzin, Łarnaka—Minsk — siem hadzin, Minsk—Churhada — siem hadzin, Churhada—Minsk — dzieviać hadzin.
Raniej paviedamlałasia, što pavietranaja prastora Biełarusi zakryta dla palotaŭ na vyšyni 4 tys. mietraŭ i vyšej da 6 hadzin ranicy 18 krasavika.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Ciapier čytajuć
Aryštavany 75‑hadovy Źmicier Sańko — vieteran-vydaviec3
Kamientary