Viadučaja ANT Natalla Niemahaj adpačyła ŭ akupavanym Krymie FOTY
Usiaho niekalki hadoŭ tamu Natalla Niemahaj baviła čas u lubimaj Italii. Ale ciapier pramianiała Sicyliju na akupavany Rasijaj Krym, kudy jeździć užo dva hady zapar.
Biełaruskaja prapahanda nazyvaje Natallu Niemahaj adnoj ź pieršych žančyn-viadučych na ANT. Jana paśpiachova prajšła kastynh kala 20 hadoŭ tamu — i pa siońnia pracuje ŭ kadry. Niemahaj viadzie naviny, a taksama prahramu «Narodnyj HOST» — dzie z entuzijazmam raspaviadaje, jak «ułada vyrašaje prablemy prostych ludziej».
Letaś u intervju «SB. Biełaruś siehodnia» Natalla raskazvała, jak u 2020 hodzie zachavała viernaść nie tolki kanału, ale i asabista Łukašenku:
— Biezumoŭna, jak žančynie, mnie było vielmi ciažka ŭ toj čas. Ale na siamiejnaj radzie my adrazu vyrašyli: treba iści da kanca. Chacia ŭsialakaje byvała… Pamiataju, jak načavała ŭ siabroŭki, bajałasia viartacca dadomu, dzie było niebiaśpiečna zastavacca. Tamu što ŭvieś čas pisali, telefanavali, pachavalnyja vianki prynosili da dźviarej… Uvohule, rabili ŭsio, kab vybić z kalainy.
Natalla kaža, što šmat płakała tady i źviartałasia pa maralnuju padtrymku da Marata Markava, jaki ŭ toj čas uznačalvaŭ ANT.
Ciapier ža televiadučaja śćviardžaje, što, kali bačyć, što niechta napisaŭ joj niešta niepryjemnaje, dyk nie čytaje i adrazu banić.
Raniej Natalla raspaviadała pra svaju luboŭ da Italii i italjanskaj movy, jakuju staranna vyvučała. U tym liku dla taho, kab vandravać pa ŭlublonaj krainie i znajomicca ź jaje vialikaj kulturaj.
Navat praca na prapahandu hetamu nie pieraškadžała. Jašče vosieńniu 2022 hoda Niemahaj, jakaja ahučvała na telebačańni fejki pra žachi žyćcia ŭ Jeŭrasajuzie, katałasia adpačyvać na Sicyliju.
Ale ciapier miescy dla adpačynku ŭ televiadučaj źmianilisia. Letaś jana pajechała adpačyvać u Jałtu. Sioleta taksama adpraviłasia ŭ akupavany Rasijaj Krym — zdymała videa z čajkaj na plažy Ałušty, tusiła ŭ Jałcie, rassłablałasia ŭ termalnaj kupieli ŭ japonskim sadzie «Šeść pačućciaŭ». U kampanii z Natallaj była pradziusarka ANT Iłona Chalvita.
Treba adznačyć, što Krym — daloka nie samy papularny napramak siarod prychilnikaŭ Łukašenki. U bolšaści vypadkaŭ jany vybirajuć Turcyju, Jehipiet ci Dubaj. Značna radziej — Zanzibar ci Kubu.
Siostry Hruździevy jakraz ciapier publikujuć ščaślivyja fotazdymki i videa z Maldyvaŭ. Tam ža adpačyvaje zahadčyca kafiedry telebačańnia i radyjoviaščańnia fakulteta žurnalistyki BDU Alesia Kuźminava — u 2020 hodzie jana pahražała «ideałahična nienadziejnym», a ŭ 2022 hodzie prymušała studentaŭ daterminova hałasavać na refierendumie.
A niechta z łukašenkaŭcaŭ nie hrebuje adpačyć i ŭ toj samaj «žudasnaj Jeŭropie».
Mis Biełaruś Eleanora Kačałoŭskaja chvalicca adpačynkam u akupavanym Krymie FOTY
Viadučaja «Marafonu adzinstva» ŭ padtrymku Łukašenki adpačyvała ŭ Łatvii
Dzie sioleta adpačyvajuć Tur, Mirončyk-Ivanova, viadučaja HUBAZiKa dy inšyja łukašysty i jakija hateli jany vybirajuć?
«Ja, moža, i nie mahu pajechać u vaš zasrany Paryž…» Lebiedzievu zusim nie bambić u adpačynku
Ciapier čytajuć
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»1
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary